உலக டெஸ்ட் செம்பியன்ஷிப் புள்ளிப்பட்டியலில் இந்திய அணி முதலிடத்தை இழந்துள்ளது.

இந்தியா, நியூசிலாந்து அணிகளுக்கு இடையிலான 3வது டெஸ்ட் போட்டி மும்பையில் நடந்தது. 

இதில் நியூசிலாந்து அணி 25 ஓட்டங்கள் வித்தியாசத்தில் வெற்றி பெற்று டெஸ்ட் தொடரையும் 3-0 என முழுமையாக கைப்பற்றியது.

இந்நிலையில், இந்த டெஸ்ட் தொடருக்கு பிறகு உலக டெஸ்ட் செம்பியன்ஷிப் புள்ளிப்பட்டியலை ஐ.சி.சி வெளியிட்டது.

இந்தியா 3 போட்டிகளிலும் தோற்றதால், அவுஸ்திரேலியா அணி முதல் இடத்துக்கு முன்னேறியுள்ளது.

இதில் 14 போட்டிகளில் விளையாடியுள்ள இந்தியா 8 போட்டிகளில் வெற்றி, 5 போட்டிகளில் தோல்வி, ஒரு சமநிலை என 58.33 சதவீதத்துடன் புள்ளிப் பட்டியலில் 2வது இடத்தில் உள்ளது.

இலங்கை அணி 3-வது இடத்திலும் நீடிக்கிறது. இந்தியாவுக்கு எதிராக வெற்றி பெற்ற நியூசிலாந்து (54.55 சதவீதம்)  4-வது இடத்தில் உள்ளது.

தென் ஆப்பிரிக்கா அணி 5வது இடத்திலும், இங்கிலாந்து அணி 6-வது இடத்திலும் உள்ளன.

பாகிஸ்தான், பங்களாதேஷ் மற்றும் மேற்கிந்திய தீவுகள் அணி ஆகியவை முறையே 7, 8, 9-ம் இடத்தில் உள்ளன.