இந்தியாவின் சென்னையில் ஆபரணத்தங்கத்தின் விலை தொடர்ந்து உயர்ந்து வந்த நிலையில், இன்று (07) அதிரடியாக குறைந்துள்ளது.

சென்னையில் நேற்று (06) ஆபரணத்  தங்கத்தின் விலை சவரனுக்கு ரூ.80 உயர்ந்து ரூ.58,920 இற்கும், கிராமுக்கு ரூ.10 உயர்ந்து ரூ.7,365 இற்கும் விற்பனை செய்யப்பட்டது.

இந்நிலையில், இன்று ஆபரணத்தங்கத்தின் விலை சவரனுக்கு ரூ.1,320 குறைந்து ரூ.57,600 இற்கும், கிராமுக்கு ரூ.165 குறைந்து ரூ.7,200 இற்கும் விற்பனை செய்யப்படுகிறது.

அதேபோல், 18 காரட் ஆபரணத்தங்கத்தின் விலையும் சவரனுக்கு ரூ.1,040 குறைந்து ரூ.47,440 இற்கும், கிராமுக்கு ரூ.130 குறைந்து ரூ.5,930 இற்கும் விற்பனை செய்யப்படுகிறது.

வெள்ளி விலை கிராமுக்கு ரூ.3 குறைந்து ரூ.102 இற்கும், ஒரு கிலோ வெள்ளி ரூ.102,000 இற்கும் விற்பனை செய்யப்படுகிறது.