இங்கிலாந்து - நியூசிலாந்து இடையிலான முதலாவது டெஸ்ட் கிரிக்கெட் போட்டி கிறிஸ்ட்சர்ச்சில் 29 ஆம் திகதி ஆரம்பமாகியது. இதில் நாணய சுழற்சியில் வென்ற இங்கிலாந்து அணியின் தலைவர் ஸ்டோக்ஸ் பந்துவீச்சை தேர்வு செய்தார்.

அதன்படி முதலில் துடுப்பெடுத்தாடிய செய்த நியூசிலாந்து அணி முதல் இன்னிங்சில் 91 ஓவர்களில் 348 ஓட்டங்களில் ஆல்-அவுட் ஆனது. அதிகபட்சமாக வில்லியம்சன் 93 ஓட்டங்களை பெற்றார்.

பின்னர் தனது முதல் இன்னிங்சை தொடங்கிய இங்கிலாந்து அணி 499 ஓட்டங்கள் குவித்த நிலையில் ஆல் அவுட் ஆனது. அதிகபட்சமாக ஹாரி புரூக் 171 ஓட்டங்களுக்கும் ஸ்டோக்ஸ் 80 ஓட்டங்களையும் பெற்றனர்.

இதனையடுத்து 151 ஓட்டங்கள் பின்னிலையுடன் 2 ஆவது இன்னிங்சை தொடங்கிய நியூசிலாந்து அணி 3 ஆவது நாளில் 6 விக்கெட்டுகளை இழந்து 155 ஓட்டங்களை பெற்றது.சிறப்பாக விளையாடி அரைசதம் அடித்த வில்லியம்சன் 61 ஓட்டங்களை பெற்று ஆட்டமிழந்தார்.

முன்னதாக வில்லியம்சன் இந்த 2 ஆவது இன்னிங்சில் 26 ஓட்டங்கள் எடுத்திருந்தபோது டெஸ்ட் கிரிக்கெட்டில் 9000 ஓட்டங்களை கடந்தார். இதன் மூலம் டெஸ்ட் வரலாற்றில் நியூசிலாந்து தரப்பில் 9000 ஓட்டங்களை அடித்த முதல் வீரர் என்ற மாபெரும் சாதனையை அவர் படைத்துள்ளார்.