பிக் பாஸ் 8 போட்டியாளரான முத்துக்குமரனை சூனியக்கிழவன் என்றும், மஞ்சரியை சூனியக்கிழவி என்றும் சொல்லியிருக்கிறார்கள் சக போட்டியாளர்கள். அதை பார்த்த முத்துக்குமரனின் ஆதரவாளர்கள் பொங்கிவிட்டார்கள்.

பிக் பாஸ் 8 வீட்டில் இருக்கும் போட்டியாளர்களுக்கு இடையே ஏற்கனவே ஒத்துப் போக மாட்டேன் என்கிறது. இந்நிலையில் ஒவ்வொரு டெவில்கிட்டயவும் நீங்கள் இந்த வீட்டில் பார்த்த கெட்ட குணங்கள் என்னென்ன என்பதை சொல்லணும் என ஒரு டாஸ்க் கொடுத்திருக்கிறார் பிக் பாஸ்.

அதை பார்த்தவர்களோ, பத்த வச்சுட்டீங்களே பரட்டை என்கிறார்கள். மஞ்சரியை டெவில் என்றும், ஃபுல் நெகட்டிவ் தான் என்றும் தெரிவித்துள்ளார் அன்ஷிதா. மஞ்சரியிடம் நெகட்டிவிட்டி மட்டுமே இருப்பதாக சக போட்டியாளர்கள் தொடர்ந்து தெரிவித்து வருகிறார்கள்.

மஞ்சரியை சூனியக்கிழவி என்றும் விமர்சித்திருக்கிறார்கள். மஞ்சரி இருந்தால் அங்கே பிரச்சனை இருக்கும். இல்லைனா எங்கேயாவது கூட்டமா பிரச்சனையாக இருந்தால் அங்கே மஞ்சரி இருப்பாங்க என ரஞ்சித் சொன்னதை கேட்டு அன்ஷிதாவும், சத்யாவும் அப்படி சிரித்தார்கள்.

முத்துக்குமரனை பொசுக்குனு சூனியக்கிழவன் என சொல்லிவிட்டார் சத்யா. தன்னை ஒரு நல்லவனா காட்டிக்கிறதுக்காக ஆப்போசிட்ல இருக்கிற எல்லாரையும் அழிக்கிறதுக்கும் நான் ரெடி என இருக்கிறார் என முத்துக்குமரன் பற்றி விமர்சித்தார் ரயான். அதை கேட்ட முத்துக்குமரனோ, உன்னை மாதிரி எத்தனை ஆளை பார்த்திருப்பேன் என்பது போன்று சிரித்தார்.

சாச்சனாவும், தீபக்கும் அவசரத்தின் உச்சம். இது குட்டிப் பேய், அது பெரிய பேய். வாங்க வாங்க டிரெய்ன் வந்துருச்சுனு எங்கிருந்து சொல்வீங்க என ரஞ்சித் கேட்டதும் பிளாட்பாரத்தில இருந்து என பதில் கிடைத்தது. ஆனால் இவங்க இரண்டு பேரும் அப்படி கிடையாது. ரயில்வே டிராக்லயே நின்னுகிட்டு வாங்க வாங்க வாங்கனு சொல்வாங்க என்றார். அதை கேட்டு ஹவுஸ்மேட்ஸ் எல்லாம் சிரித்தார்கள். அத்துடன் ப்ரொமோ வீடியோ முடிந்துவிட்டது.

ப்ரொமோ வீடியோவை பார்த்தவர்கள் கூறியிருப்பதாவது,

சாச்சனாவை வெளியேத்துங்க. சாப்பிடுவதற்காகவே பிக் பாஸ் வீட்டிற்கு வந்தது போல இருக்கு. இருக்கு இன்னைக்கு பெரிய சண்டை இருக்கு. எப்போ தான் டாஸ்க் கொடுப்பீங்க பிக் பாஸ் என கேள்வி எழுப்பியுள்ளனர்.

ரஞ்சித் பேசியதை பார்த்தவர்களோ, சிட்டிக்கு கோபம்லாம் வருது வசீ என கிண்டல் செய்து கொண்டிருக்கிறார்கள். இதற்கிடையே மஞ்சரியை பற்றி பேசும் அன்ஷிதாவிடம் தான் நெகட்டிவிட்டி அதிகம் இருக்கு. அவர் வன்மத்தை கக்குகிறார் என்கிறார்கள் பிக் பாஸ் பார்வையாளர்கள்.