இந்தியாவில் சையத் முஷ்டாக் அலி டி20 கிரிக்கெட் தொடர் நடைபெற்று வருகிறது. நேற்று (11) நடைபெற்ற காலிறுதி ஆட்டம் ஒன்றில் விதர்பா- மும்பை அணிகள் மோதின. முதலில் விளையாடிய விதர்வா அணி 6 விக்கெட் இழப்பிற்கு 221 ஓட்டங்களை குவித்தது.

பின்னர் 222 ஓட்டங்கள் அடித்தால் வெற்றி என்ற இலக்குடன் மும்பை அணி துடுப்பாடியது. தொடக்க வீரர்களான பிரித்வி ஷா மற்றும் ரகானே ஆகியோர் அபாரமான ஆட்டத்தை வெளிப்படுத்தினர். பிரித்வி ஷா 26 பந்தில் 49 ஓட்டங்களை சேர்த்தார். ரகானே 45 பந்தில் 84 ஓட்டங்களை விளாசினார்.

ஷிபம் டுபே 22 பந்தில் 37 ஓட்டங்களும், சூரயான்ஷ் ஷெட்ஜ் 12 பந்தில் 36 ஓட்டங்களும், அடிக்க மும்பை அணி 19.2 ஓவரில் 224 ஓட்டங்கள் எடுத்து வெற்றி பெற்றது.

222 இலக்கை எட்டியதன் மூலம் டி20 நாக்அவுட் போட்டியில் அதிக ஓட்டங்களை துரத்திப்பிடித்த முதல் அணி என்ற சாதனையை படைத்துள்ளது.

இதற்கு முன்னதாக 2010 இல் நடைபெற்ற பைசல் பேங்க் டி20 கிண்ண (Faysal Bank T20 Cup 2010) கிண்ண கராச்சி அணி ராவல்பிண்டி அணிக்கெதிராக 210 ஓட்டங்களை சேஸிங் செய்தது.