2023 ஆம் ஆண்டின் மூன்றாம் காலாண்டில்  நிலையான விலையின் (2015) கீழ் 2,987,544 மில்லியன் ரூபாவாக பதிவு செய்யப்பட்ட மொத்த உள்நாட்டு உற்பத்தியானது 2024 ஆம் ஆண்டின் மூன்றாம் காலாண்டில் 3,151,941 மில்லியன் ரூபாவாக அதிகரித்துள்ளது.

இதன்படி, 2024 ஆம் ஆண்டின் மூன்றாம் காலாண்டில் மொத்த உள்நாட்டு உற்பத்தியின் வளர்ச்சியானது 5.5 சதவீத நேர்மறை வளர்ச்சியாக பதிவு செய்யப்பட்டுள்ளது.

மக்கள் தொகைக் கணக்கெடுப்பு மற்றும் புள்ளிவிபரத் திணைக்களத்தினால், 2024 ஆம் ஆண்டின் மூன்றாம் காலாண்டில் (ஜூலை 01 முதல் செப்டம்பர் 30 வரை), உற்பத்தி அணுகுமுறையின் கீழ் நடைமுறையில் உள்ள விலைகள் மற்றும் நிலையான விலையின் (2015) கீழ் மொத்த தேசிய உற்பத்தி மற்றும் ஏனைய பாரிய பொருளாதார குறிகாட்டிகள் மதிப்பிடப்பட்டு வெளியிட்டிருந்தது.

2024 ஆம் ஆண்டின் மூன்றாம் காலாண்டில், விவசாய பொருளாதார நடவடிக்கைகள், தொழில்துறை பொருளாதார நடவடிக்கைகள் மற்றும் சேவை பொருளாதார நடவடிக்கைகள் முறையே 3.0 சதவீதம், 10.8 சதவீதம் மற்றும் 2.6 சதவீதம் செல்வ வளர்ச்சியை பதிவு செய்துள்ளன.