ஒவ்வொரு வருடமும் அவுஸ்திரேலிய ஓபன், பிரெஞ்சு ஓபன், விம்பிள்டன், அமெரிக்க ஓபன் என 4 வகையான கிராண்ட்ஸ்லாம் என்ற உயரிய அந்தஸ்து பெற்ற போட்டிகள் நடத்தப்படுகின்றன.

அவுஸ்திரேலிய ஓபன் டென்னிஸ் போட்டி இன்று முதல் ஆரம்பமாகிறது.

இதற்கிடையே, பெண்கள் ஒற்றையர் பிரிவில் பெலாரசின் சபலென்கா, அமெரிக்காவின் ஸ்லோனே ஸ்டீபன்ஸ் உடன் மோதுகிறார்.

இந்நிலையில், மகளிர் ஒற்றையர் பிரிவில் பெலாரஸ் நாட்டின் அரினா சபலென்கா ஹாட்ரிக் பட்டம் வெல்லும் முனைப்புடன் களமிறங்குகிறார். இவர் கடந்த 2024 மற்றும் 2023ஆம் ஆண்டில் சம்பியன் பட்டம் வென்று வாகை சூடியிருந்தார்.

ஏற்கனவே, சுவிட்சர்லாந்தின் மார்டினா ஹிங்கிஸ் 1997, 1998 மற்றும் 1999-ம் ஆண்டில் அவுஸ்திரேலிய ஓபன் தொடரில் சாம்பியன் பட்டம் வென்று ஹெட்ரிக் சாதனை படைத்திருந்தார் என்பது குறிப்பிடத்தக்கது.