ஜே.எஸ்.கே. சதீஷ்குமாரின் 'ஃபயர்' (Fire) என்ற படத்தில் நடிகை ரச்சிதா நடித்துள்ளார். இந்த திரைப்படம் பெப்ரவரி 14ஆம் திகதி வெளியாகவுள்ள நிலையில், படத்தின் ‘மெது மெதுவாய்’ என்ற பாடலின் வீடியோ படக்குழுவினர் சமீபத்தில் வெளியிட்டுள்ளனர்.

அந்த வீடியோவில் ரச்சிதா மற்றும் பாலாஜி நெருக்கமாக நடித்த படுக்கையறை காட்சியும் இருப்பதை பார்த்த ரசிகர்கள்,  'ரக்சிதாவா இது?' என கேள்வி எழுப்பி வருகிறார்கள். இந்நிலையில் கிளாமர் ரோலில் நடிப்பது குறித்து ரச்சிதா மனம் திறந்து பேசியுள்ளார்.

இது குறித்து அவர் தெரிவித்திருப்பதாவது, "காசுக்காக அதை நான் பண்ணல, இதை வெச்சுத்தான் காசு பண்ணனும் என்று நினைத்தால் அது ரொம்பவே தப்பாகிவிடும். இதில் அந்த நோக்கமே கிடையாது. சமீபத்தில் கூட ஒரு திருமணம் மண்டபத்தில் ஒரு பெண் பிகினி ஆடையணிந்து கொண்டு என் உடை என் சுதந்திரம் என்றும், பிகினி அணிந்துதான் தாலிக்கட்டுவேன் என்று கூறினார். இதை பார்த்தபோது எனக்கு அதிர்ச்சியாகிவிட்டது. நம் ஆடை நம் உரிமை என்று என்ன சொன்னாலும் இந்த அளவுக்கா இறங்க முடியும். அதனால் அவர் அப்படி செய்தது அந்த பெண்ணுக்கு மட்டும் பாதிப்பில்லை, அதை பார்த்தப்பின் ஏனைய பெண்களையும், எல்லோரும் அப்படித்தான் பார்ப்பார்கள். இந்த படத்தில் அதை அவ்வளவு அழகாக காட்டியிருக்கிறார்கள். ஃபயர் படம் திரைக்கு வந்தால் அது கூறும் நல்ல மெசேஜ் மக்களிடம் சென்றடையும்" என்றார்.