சர்வதேச கிரிக்கெட் பேரவை (ஐ.சி.சி.) நடத்தும் ​சம்பியன்ஸ் கிண்ண 2025 கிரிக்கெட் தொடரின் முதல் போட்டி பெப்ரவரி 19ஆம் திகதி ஆரம்பமாகிறது. இந்த தொடரில் மொத்தம் எட்டு அணிகள் மோதுகின்றன. பாகிஸ்தான் மற்றும் டுபாயில் நடைபெறும் இந்த தொடருக்காக ஒவ்வொரு அணியும் தீவிர பயிற்சியில் ஈடுபட்டு வருகின்றன. 

சம்பியன்ஸ் கிண்ணம் 2025 தொடருக்கான அவுஸ்திரேலிய அணியில் காயத்தால் அவதிப்பட்டு வரும் அணித்தலைவர் பேட் கம்மின்ஸ் மற்றும் வேகப்பந்து வீச்சாளர் ஜோஷ் ஹேசில்வுட் ஆகியோர் அணியில் இருந்து விலகியுள்ளனர் . மேலும், சொந்த காரணங்களுக்காக சம்பியன்ஸ் கிண்ண அணியில் இருந்து விலகுவதாக மிட்செல் ஸ்டார்க் விலகியுள்ளார். 

இந்நிலையில், சம்பியன்ஸ் கிண்ணத்தில் ஸ்டீவ் ஸ்மித் தலைமையிலான 15 பேர் கொண்ட அவுஸ்திரேலிய அணி அறிவிக்கப்பட்டுள்ளது. 

அவுஸ்திரேலிய அணி வீரர்கள் விவரம்: 

ஸ்டீவ் ஸ்மித் (அணித்தலைவர்), சீன் அபோட், அலெக்ஸ் கேரி, பென் ட்வார்ஷூயிஸ், நாதன் எல்லிஸ், ஜேக் ஃப்ரேசர்-மெக்குர்க், ஆரோன் ஹார்டி, டிரவிஸ் ஹெட், ஜொஷ் இங்கிலிஸ், ஸ்பென்சர் ஜொன்சன், மார்னஸ் லபுஷேன், க்ளென் மெக்ஸ்வெல், தன்வீர் சங்கா, மாட்த்யூ ஷார்ட், எடம் ஷம்பா