இந்தியன் பிரீமியர் லீக் (IPL) தொடரில் டெல்லி மைதானத்​தில் டெல்லி கெப்பிடல்ஸ் அணிக்கு எதிராக இன்று (18) இடம்பெற்ற போட்டியில் குஜராத் டைட்டன்ஸ் அணி 10 விக்கெட்டுக்களால் வெற்றிபெற்றுள்ளது.  

ஐபிஎல் தொடரின் 60ஆவது லீக் போட்டியாக இடம்பெற்ற இப்போட்டியில், நாணய சுழற்சியில் வெற்றி பெற்ற குஜராத் டைட்டன்ஸ் அணி முதலில் களத்தடுப்பில் ஈடுபட தீர்மானித்தது.  

அதற்கமைய, முதலில் துடுப்பெடுத்தாடிய டெல்லி கெப்பிடல்ஸ் அணி 20 ஓவர்கள் நிறைவில் 3 விக்கெட்டுக்களை இழந்து 199 ஓட்டங்களை பெற்றுக்கொண்டது.  

அவ்வணி சார்பாக கே.எல் ராகுல் அபாரமாக துடுப்பெடுத்தாடி ஆட்டமிழக்காமல் 112 ஓட்டங்களையும் அணித்தலைவர் அக்‌ஷர் பட்டேல் 25 ஓட்டங்களையும் பெற்றுக்கொடுத்தனர்.  

குஜராத் டைட்டன்ஸ் அணியின் பந்துவீச்சில்​ அரஷாட் கான், பிரதிஸ் கிருஸ்ணா மற்றும் சாய் கிஷோர் ஆகியோர் தலா ஒரு விக்கெட் வீதம் கைப்பற்றினர்.  

இதனைத் தொடர்ந்து 200 என்ற வெற்றி இலக்கை நோக்கிய களமிறங்கிய குஜராத் டைட்டன்ஸ் அணி 19 ஓவர்களில் விக்கெட் இழப்பின்றி வெற்றி இலக்கை அடைந்தது. 

குஜராத் டைட்டன்ஸ் அணி சார்பாக சாய் சுதர்ஷன் ஆட்டமிழக்காமல் 108 ஓட்டங்களையும், அணித்தலைவர் சுப்மன் கில் ஆட்டமிழக்காமல் 93 ஓட்டங்களையும் பெற்றுக்கொடுத்தனர்.  

இந்த வெற்றியின் ஊடாக குஜராத் டைட்டன்ஸ் அணி 18 புள்ளிகளைப் பெற்று புள்ளிப்பட்டியலில் முதலாவது இடத்திற்கு முன்னேறியுள்ளமை குறிப்பிடத்தக்கது.