இந்தியாவில் இருந்து நாட்டுக்கு வருகைதந்துள்ள மருத்துவ துறையை சார்ந்த தொழில் அதிபர்கள் மற்றும் தொழில்நுட்ப துறையை சார்ந்த பொறியியலாளர்கள், முக்கியஸ்தர்களுக்கிடையிலான விசேட சந்திப்பு இன்று (03) கொழும்பில் உள்ள பெருந்தோட்டம் மற்றும் தோட்ட உட்கட்டமைப்பு அமைச்சில் இடம்பெற்றது.

குறித்த கலந்துரையாடலில் பெருந்தோட்ட மற்றும் தோட்ட உட்கட்டமைப்பு சமுக அபிவிருத்தி பிரதி அமைச்சர் சுந்தரலிங்கம் பிரதீப்பை சந்தித்து கலந்துரையாடினர்.

இந்த சந்திப்பின் போது ஊடகத்துறை சார்பாக திரைப்பட நடிகரும் முன்னணி தொகுப்பாளருமான VJ விஜய்யும் கலந்து கொண்டிருந்தார்.

மருத்துவத்துறை முதலீடுகள் மற்றும் மருத்துவ உதவிகள் தொடர்பாக விசேடமாக கலந்துரையாடப்பட்டதுடன், தமிழ்நாட்டுக்கும்  மலையக மக்களுக்கும் இடையிலான ஊடக தொடர்புகள் குறித்தும் கலந்துரையாடப்பட்டமை குறிப்பிடத்தக்கது.