NDB வங்கியானது அடுத்த தலைமுறைக்கான வர்த்தக நிபுணர்களை வளர்ப்பதற்காக கல்வி மற்றும் தொழில்துறையை இணைப்பதில் ஒரு குறிப்பிடத்தக்க மைல்கல்லை குறிக்கும் வகையில், SLIIT Business School உடன் புரிந்துணர்வு ஒப்பந்தத்தில் (MOU) கைச்சாத்திட்டதை மகிழ்ச்சியுடன் அறிவிக்கிறது. இந்த மூலோபாய பங்குடைமையானது அறிவுப் பகிர்வை மேம்படுத்துதல், தொழில்துறை தொடர்பான பயிற்சியை வழங்குதல் மற்றும் மாணவர்களுக்கு விலைமதிப்பற்ற நிஜ உலக வெளிப்பாட்டை வழங்குதல், மாறும் தொழில்நுட்பம் சார்ந்த வர்த்தகச் சூழலில் சிறந்து விளங்கத் தேவையான திறன்களுடன் அவர்களை தயார்ப்படுத்துதல் ஆகியவற்றை நோக்கமாகக் கொண்டுள்ளது. 

இந்த புரிந்துணர்வு ஒப்பந்தத்தில் SLIIT Business Schoolஇன் வர்த்தக பீடத்தின் பீடாதிபதி பேராசிரியர் சுரேன் பீட்டர்ஸ் மற்றும் NDB வங்கியின் மனிதவள துணைத் தலைவர் திரு. லசந்த தசநாயக்க ஆகியோர் இரு நிறுவனங்களின் முக்கிய பிரதிநிதிகளின் முன்னிலையில் அதிகாரப்பூர்வமாக கையெழுத்திட்டனர். இரு சாராருக்குமிடையில் மேற்கொள்ளப்பட்ட இந்த ஒத்துழைப்பானது மாணவர்களுக்கு தொழில் பயிற்சிகள், பயிற்சித் திட்டங்கள் மற்றும் கூட்டு ஆய்வு முயற்சிகள், புத்தாக்கங்களை விருத்தி செய்தல் மற்றும் திறமையை வளர்த்தல் உள்ளிட்ட ஏராளமான வாய்ப்புகளை வழங்கவுள்ளது, இந்த முயற்சியானது, திறன் மேம்பாட்டுத் திட்டங்களை நிறுவுவதில் முக்கிய அரசு மற்றும் தனியார் பல்கலைக்கழகங்களுடன் ஒத்துழைப்பது என்ற NDB வங்கியின் மூலோபாய நோக்கங்களுடன் இணங்குவதாகவுள்ளது. 

NDB வங்கியானது இத்தகைய பங்குடைமைகளில்ஈடுபடுவதன் மூலம், மாணவர்களுக்கு தொழில்துறை தொடர்பான பயிற்சி மற்றும் அதன் வர்த்தக செயல்பாடுகளின் வெளிப்பாட்டை வழங்குவதை நோக்கமாகக் கொண்டுள்ளது, இதன் மூலம் வங்கியானது மிகவும் திறமையான பட்டதாரிகளின் வலையமைப்பை ஏற்படுத்துவதுடன் மேலதிகமாக இந்த ஒத்துழைப்பானது கல்வி நிறுவனங்கள், மாணவர்கள் மற்றும் எதிர்கால ஊழியர்கள் மத்தியில் ஒரு முன்னணி தொழில்வழங்குநராக NDB இன் நற்பெயரை மேம்படுத்துகிறது இந்த பங்குடைமை தொடர்பாக திரு. லசந்த தசநாயக்க கருத்து தெரிவிக்கையில், எதிர்காலத்தை கட்டியெழுப்பும் அடித்தளம் கல்வி என்று நாம் நம்புகிறோம். இந்த பங்குடைமையானது இலங்கையின் இளைஞர்களை மேம்படுத்துவதற்கும், அதிகரித்து வரும் சிக்கலான மற்றும் போட்டி நிறைந்த துறையில் அவர்கள் தலைமை தாங்கத் தயாராக இருப்பதை உறுதி செய்வதற்குமான எமது உறுதிப்பாட்டிற்கு ஒரு சான்றாகும் என்றார். 

இந்த பங்குடைமையானது மாணவர்கள் மற்றும் இளம் தொழில் வல்லுநர்களுக்கு மட்டுமல்லாமல், வங்கி மற்றும் பரந்த சமூகத்திற்கும் உருவாக்கவுள்ள வாய்ப்புகள் தொடர்பாக NDB வங்கி உற்சாகமாக உள்ளது. SLIIT Business School உடன் இணைந்து, இலங்கையின் வர்த்தகத் துறைக்கு நேர்மறையான மாற்றத்தை ஏற்படுத்தவும், பிரகாசமான எதிர்காலத்தை வடிவமைக்கவும் நாம் தயாராகவுள்ளோம். 

NDB வங்கி இலங்கையில் நான்காவது பாரிய பட்டியலிடப்பட்ட வணிக வங்கியாகும். ஆசிய வங்கியியல் மற்றும் நிதி சில்லறை வங்கியியல் விருதுகள் 2023 இல் ஆண்டின் சிறந்த சில்லறை வங்கி (இலங்கை) மற்றும் Asiamoney ஆல் சிறந்த கூட்டாண்மை வங்கி 2023 என பெயரிடப்பட்டது. மேலும் 2022 ஆம் ஆண்டில் தொடர்ச்சியாக இரண்டாவது வருடமாக இலங்கையில் அதிக விருதுகளைப் பெற்ற நிறுவனமாக இலங்கையின் LMD சஞ்சிகையினால் வருடாந்த தரவரிசையில் வரிசைப்படுத்தப்பட்டது.Global Finance USA மற்றும் Euromony ஆகியவற்றின் வருடாந்த சிறந்த வங்கி விருது நிகழ்ச்சிகளில் 2022 இல் இலங்கையின் சிறந்த வங்கியாக தெரிவு செய்யப்பட்டது. மேலதிகமாக , USA யிலுள்ள கிரேட் பிளேஸ் டு வொர்க்அமைப்பினால் இலங்கையில் 2022 இல் சிறந்த 50 பணியிடங்களில் ஒன்றாக பெயரிடப்பட்டது. NDB என்பது NDB குழுமத்தின் தாய் நிறுவனமாகும்,இது மூலதன சந்தை துணை நிறுவனங்களை உள்ளடக்கியநிலையில் ஒரு தனித்துவமான வங்கியியல் மற்றும் மூலதன சந்தை சேவைகள் குழுவை உருவாக்குகிறது. டிஜிட்டல் வங்கியியல் தீர்வுகளினை பயன்படுத்தி அர்த்தமுள்ள நிதி மற்றும் ஆலோசனை சேவைகள் மூலம் தேசத்தையும் அதன் மக்களையும் மேம்படுத்துவதற்கு வங்கி உறுதிபூண்டுள்ளது.