உலக டெஸ்ட் சம்பியன்ஷிப் தொடருடன் இணைந்ததாக, இலங்கை மற்றும் பங்களாதேஷ் அணிகளுக்கு இடையே காலி சர்வதேச விளையாட்டு மைதானத்தில் இடம்பெற்று வரும் முதலாவது டெஸ்ட் போட்டியின் இரண்டாம் நாள் ஆட்டம் தற்போது நிறைவுக்கு வந்துள்ளது. 

போட்டியில் தமது முதலாவது இன்னிங்ஸிற்காக துடுப்பெடுத்தாடி வரும் பங்களாதேஷ் அணி இன்றைய இரண்டாம் நாள் ஆட்டநேர நிறைவில், 9 விக்கெட்டுக்களை இழந்து 484 ஓட்டங்களைப் பெற்றுள்ளது. 

பங்களாதேஷ் அணி சார்பாக முஷ்ஃபிகர் ரஹீம் 163 ஓட்டங்களையும் அணித்தலைவர் ஷான்டோ 148 ஓட்டங்களையும் பெற்றுக்கொடுத்தனர். 

இலங்கை அணியின் பந்துவீச்சில் அசித பெர்ணான்டோ, மிலான் ரத்னாயக்க, தரிந்து ரத்னாயக்க ஆகியோர் தலா 3 விக்கெட்டுக்கள் வீதம் கைப்பற்றியுள்ளனர்.

458 ஓட்டங்களுக்கு 4 விக்கெட்டுக்களை மாத்திரம் இழந்து பலமான நிலையில் இருந்த பங்களாதேஷ் அணி, அடுத்த 5 விக்கெட்டுக்களும் 26 ஓட்டங்களுக்குள் வீழ்ந்தமை குறிப்பிடத்தக்கது.