முல்லைத்தீவு துணுக்காய் பிரதேச சபைக்கான தவிசாளர் மற்றும் உப தவிசாளர் தெரிவு இன்று (26) பகல் நடைபெற்றுள்ளது.

முல்லைத்தீவு துணுக்காய் பிரதேச சபைக்கான தவிசாளர் தெரிவு உள்ளூராட்சி உதவி ஆணையாளர் தலைமையில் பகல் 11.30 மணிக்கு துணுக்காய் பிரதேச சபை மண்டபத்தில் நடைபெற்றுள்ளது.

13 உறுப்பினர்களைக் கொண்ட இச்சபையில் தமிழரசு கட்சி சார்பில் கனகரத்தினம் செந்தூரன் அவர்களும், ஜனநாயக தமிழ் தேசிய கூட்டணியின் சார்பில் சிவகுமார். சிந்துஜன் ஆகியோரின் பெயர்கள் தவிசாளர்களாக முன்மொழிக்கப்பட்டது.

இந்நிலையில் பகிரங்க வாக்கெடுப்பு இடம்பெற்றது. இதன்போது தேசிய மக்கள் சக்தி சார்பில் வெற்றி பெற்ற  உறுப்பினர் ஒருவரும் சுயேட்சைக்குழுவின் ஊசி சின்னத்தில் போட்டியிட்ட  உறுப்பினர் ஒருவரும் நடுநிலமை வகித்தனர்.

தமிழரசுக் கட்சி சார்பில் போட்டியிட்ட கனகரத்தினம் செந்தூரன், ஐக்கிய மக்கள் சக்தியின் சார்பில் ஒரு உறுப்பினரும்,  சுயேட்சைக்குழு கங்காரு சின்னத்தில் வெற்றி பெற்ற ஒரு உறுப்பிரினதும் ஆதரவுடன் 06 வாக்குகளையும், சி. சிந்துஜன் 05 வாக்குகளையும் பெற்ற நிலையில் தமிழரசு கட்சி சார்பில் கனகரத்தினம் செந்தூரன் தவிசாளராக தெரிவு செய்யப்பட்டுள்ளார்.