இலங்கையில் விரைவு சேவை உணவகத் தொழில்துறையில் மிகவேகமாக வளர்ச்சி கண்டு வரும் நாமங்களில் ஒன்றாகத் திகழும் Full’r Burgers, புத்தம்புதிய வர்த்தகநாம அடையாளம் மற்றும் மேம்பட்ட உணவு விருந்து அனுபவத்துடன் தனது Crescat Boulevard கிளையை உத்தியோகபூர்வமாக மீண்டும் திறந்து வைத்துள்ளது. கொழும்பில் மிகச் சிறந்த பேர்கர் உணவுகளின் உச்ச நாமமாக மாற வேண்டும் என்பதில் Full’r Burgers முன்னெடுத்து வரும் பயணத்தில் மற்றுமொரு ஆர்வமூட்டும் அத்தியாயமாக இச்சாதனை மாறியுள்ளது. 

நகரத்தின் மையத்தில், பிரபலமான Crescat Boulevard ல் அமைந்துள்ள, முற்றிலும் புதுப்பொலிவு கொண்ட Full’r Burgers உணவகமானது தற்போது நீட்டிக்கப்பட்ட உட்புற மற்றும் வெளிப்புற இருக்கை வசதிகளைக் கொண்டுள்ளதுடன், அமர்ந்து உணவருந்தும் விருந்தினர்கள் மற்றும் உணவுகளை வெளியில் எடுத்துச் சென்று உண்பதற்காக வருகை தருகின்ற வாடிக்கையாளர்கள் என இரு தரப்பினருக்கும் மிகவும் ஆறுதலான, சௌகரியமான இட வசதியைக் கொண்டதாக வடிவமைக்கப்பட்டுள்ளது. இந்த புதுப்பிக்கப்பட்ட இட வசதி வாடிக்கையாளர்களின் வரவை அதிகரிக்கச் செய்வதுடன், வர்த்தகநாமத்தின் தனித்துவமான வலிமை மற்றும் வழக்கமான சூழலையும் பேணச் செய்கின்றது. 

இந்த மீள் ஆரம்பத்துடன், நவீனமயப்படுத்தப்பட்ட வர்த்தகநாமத் தோற்றத்தை Full’r Burgers அறிமுகப்படுத்தியுள்ளதுடன், முன்னரை விடவும் தங்குதடையற்ற, விரைவான வழக்கத்துடன் உணவு விருந்து அனுபவத்தை வழங்குகின்றது. விரைவான உணவு பரிமாறல் முதல் தரமான உணவு, ஈர்க்கின்ற உட்புற அலங்காரங்கள் வரை, இப்புதிய உணவகத்தின் ஒவ்வொரு அம்சமும் மகத்தான பேர்கர் உணவுகள் மற்றும் மகத்தான சேவை ஆகியவற்றின் மீது Full’r Burgers காண்பிக்கும் அர்ப்பணிப்பைப் பிரதிபலிக்கின்றன. 

கொழும்பில் போட்டி நிறைந்த பேர்கர் உணவகத் துறையில் Full’r Burgers தனது பிரசன்னத்தை மேலும் வலுப்படுத்துவதில் மூலோபாய நகர்வாக இந்த மீள் ஆரம்பம் அமைந்துள்ளது. இவ்வர்த்தகநாமத்தின் பரந்த விஸ்தரிப்பு இலக்குகள், மற்றும் முக்கிய நகர மையங்களில் உயர் வகை, அதேசமயம் சிக்கனமான விலைகளில் பேர்கர் அனுபவங்களை வழங்க வேண்டும் என்ற அதன் இலக்குடன் இது ஒன்றியுள்ளது. Full’r Burgers தனது சாற்றுத்தன்மை கொண்ட பேர்கர் பற்றிஸ், புத்தம்புதிய சேர்க்கைப் பொருட்கள், மற்றும் கவர்ச்சியான சுவை வடிவங்கள் ஆகியவற்றுக்காக பெரும் எண்ணிக்கையான வாடிக்கையாளர் தளத்தை அது கட்டியெழுப்பியுள்ளது. Crescat Boulevard ல் மீள திறந்து வைக்கப்பட்டுள்ள புதிய உணவகம், மேற்குறிப்பிட்ட தனித்துவமான சுவைகளை நவீன ஏற்பாட்டு வசதியுடன் வழங்கி, கொழும்பில் அருகாமையில் பேர்கர் உணவுகளை தேடும் வாடிக்கையாளர்கள் Full’r Burgers ஐ நாடுவதற்கான ஏராளமான காரணங்களை அவர்களுக்கு வழங்குகின்றது. 

விரைவாக ஒன்றைக் கடிக்க விரும்பினாலும் சரி, நண்பர்களுடன் உணவை அருந்தி மகிழ விரும்பினாலும் சரி, அல்லது நகரத்திலுள்ள மிகச் சிறந்த உணவகத்திற்கு சென்று ஆராய விரும்பினாலும் சரி, தவறாது கட்டாயமாகச் செல்ல வேண்டிய இடமாக Crescat Boulevard ல் அமைந்துள்ள புதிய Full’r Burgers காணப்படுகின்றது. அனைவரும் வருகை தந்து, ரம்மியமான சூழலை அனுபவித்து, ஒரு வேளை உணவாக அற்புதமான சுவை கொண்ட பேர்கரை சுவைத்து, பரிணாம மாற்றம் கண்டு வருகின்ற விரைவு சேவை உணவகத்தின் அனுபவத்தில் அங்கம் வகிக்குமாறு இந்த வர்த்தகநாமம் அனைவருக்கும் அழைப்பு விடுக்கின்றது.