சித்திரம் பேசுதடி' திரைப்படம் மூலம் தமிழ் சினிமாவில் அறிமுகமாகி, தமிழ் ரசிகர்களுக்கு பரிச்சயமானவர்தான் மலையாள நடிகர் நரேன். 

அதன்பிறகு சில தமிழ் படங்களில் கதாநாயகனாகவும் நடித்தார். 

காலப்போக்கில் பட வாய்ப்புகள் குறைந்து குணச்சித்திர கதாபாத்திரங்களில் மாத்திரம் நடித்து வந்தார். 

அதை தொடர்ந்து லோகேஷ் கனகராஜ் இயக்கத்தில் வெளியான ‛கைதி' திரைப்படத்தில் நரேன் நடித்திருந்த நிலையில், கதாபாத்திரமும் அந்த படத்தின் வெற்றியும் அவரது இரண்டாவது இன்னிங்ஸை வெற்றிகரமாக ஆரம்பித்து வைத்தது. 

அதனை தொடர்ந்து கமலுடன் இணைந்து ‛விக்ரம்' படத்தில் முக்கிய கதாபாத்திரத்தில் நரேனை லோகேஷ் கனகராஜ் நடிக்க வைத்திருந்தார். 

தற்போது தமிழ், மலையாளத்தில் முக்கியத்துவம் வாய்ந்த கதாபாத்திரங்களில் நடித்து வரும் நரேன், விஜய் தனது கடைசி படமாக அறிவித்துள்ள‛ஜனநாயகன்' படத்திலும் முக்கிய கதாபாத்திரத்தில் நடித்துள்ளார். 

இந்த படத்தில் இவர் குறைவான நேரமே வந்து போகும் சிறப்பு தோற்றத்தில் நடித்திருந்தாலும், படத்திற்கு முக்கியத்துவம் வாய்ந்த ஒரு விஞ்ஞானி கதாபாத்திரத்தில் நடித்திருக்கிறாராம். 

மலையாளத்தில் நரேன் நடிப்பில் விரைவில் வெளியாக உள்ள ‛சாகசம்' படத்தின் புரமோஷன் நிகழ்ச்சியில் பங்கேற்ற போது, அவர் இதனை வௌிப்படுத்தியுள்ளார். 

இது அவரது நடிப்பின் மீதான எதிர்ப்பார்ப்புக்களை ரசிகர்கள் மத்தியில் மேலும் துண்டியுள்ளது.