NDB வங்கியானது அண்மையில் தேசிய கடன் உத்தரவாத வரையறுக்கப்பட்ட நிறுவனம் (NCGI) மற்றும் ஹட்ச் வேர்க்ஸ் [Hatch Works]ஆகியவற்றுடன் இணைந்து, கொழும்பில் உள்ள ஹட்ச் இன்னோவேஷன் வலயத்தில் NCGI ஆதரவு பெற்ற கடன் உத்தரவாத வசதியின் நன்மைகளை இலங்கையின் ஆரம்ப கட்ட நிறுவனங்களுக்கு அறிமுகப்படுத்தும் வகையில் கவனம் செலுத்தும் விழிப்புணர்வு அமர்வொன்றை நடத்தியது. இந்த முயற்சியானது, குறிப்பாக தகவல் தொழில்நுட்பம் மற்றும் தொழில்நுட்பத் துறைகளில், வளர்ந்து வரும் தொழில்முனைவோருக்கு நிதி அணுகலை விரிவுபடுத்துவதில் ஒரு குறிப்பிடத்தக்க படியைக் குறிப்பதாக அமைந்திருந்தது. 

இந்த அமர்வில் 40க்கும் மேற்பட்ட ஆரம்ப கட்ட நிறுவனங்கள் மற்றும் சிறிய மற்றும் நடுத்தர நிறுவனங்கள் (SMEs) கலந்து கொண்டன, இதில் விவசாயம், உற்பத்தி, டிஜிட்டல் தீர்வுகள் மற்றும் சேவைகள் உள்ளிட்ட பல்வேறு தொழில்களினை பிரதிநிதித்துவப்படுத்துவோர் கலந்து கொண்டதுடன் பாரம்பரிய உத்தரவாதம் இல்லாமல் தொழில்முனைவோர் வர்த்தகக் கடன்களை அணுக உதவும் வலுவுடன் கூடிய வசதியான தேசிய கடன் உத்தரவாத பொறிமுறையை வெளிச்சம் போட்டுக் காட்டுவதே இதன் முக்கிய நோக்கமாக இருந்தது. NCGI உத்தரவாதத்தால் வர்த்தகமொன்றானது ஆதரிக்கப்பட்டவுடன், உத்தரவாதமே கடனுக்கான பாதுகாப்பாக செயல்படுவதுடன் இது ஆரம்ப கட்ட வர்த்தகங்களுக்கான நிதி அணுகலை கணிசமாக மேம்படுத்துகிறது. 

இந்த அமர்வில் NDB வங்கியின் பிரதிநிதியாக, வங்கியின் வர்த்தகப்பிரிவின் பிரதம முகாமையாளரும் வலயத் தலைவருமான நீலேந்திர விதானகே மற்றும் SME மறுநிதியளிப்பு சிரேஷ்ட முகாமையாளர் சுதேஷ் பெர்னாண்டோ ஆகியோர் கலந்து கொண்டனர். தேசிய கடன் உத்தரவாத நிறுவனத்தின் பிரதிநிதியாக, பிரதம நிறைவேற்று அதிகாரியான ஜூட் பெர்னாண்டோ மற்றும் உத்தரவாத நிர்வாகத் தலைவர் ஹிமான்சு விக்ரமசிங்க ஆகியோர் கலந்து கொண்டனர். ஹட்ச் நிறுவனத்தின் பிரதிநிதியாக, அதன் பிரதம நிறைவேற்று அதிகாரியான மேவன்பீரிஸ் கலந்து கொண்டார். 

நிதியியல் உள்ளடக்கம் மற்றும் SME அதிகாரமளிப்பில் முன்னோடியாக, திகழும் NDB வங்கியானது , தொழில்முனைவோரின் வளர்ச்சிப் பயணத்தின் ஒவ்வொரு கட்டத்திலும் தொழில்முனைவோரை ஆதரிப்பதில் உறுதியாக உள்ளது. ஆரம்ப கட்ட நிறுவனங்களின் தனித்துவமான சவால்களை எதிர்கொள்ளும் வகையில், குறிப்பாக தகவல் தொழில்நுட்பம் [IT] போன்ற வேகமாக வளர்ந்து வரும் புத்தாக்கம் சார்ந்த துறைகளில், தனிப்பயனாக்கப்பட்ட நிதியியல் தீர்வுகளை வழங்குவதில் வங்கி உறுதியாக உள்ளது. NDB வங்கியானது NCGI மற்றும் Hatch போன்ற முன்னோக்கிச் சிந்திக்கும் வர்த்தக காப்பகங்களின் ஆதரவுடன், நாட்டின் பொருளாதார எதிர்காலத்தை வடிவமைக்கத் தயாராக உள்ள அடுத்த தலைமுறைக்கான இலங்கை தொழில்முனைவோரை வளர்ப்பதற்காக தனது வரம்பை விரிவுபடுத்துகிறது. 

இந்த முயற்சி தொடர்பாக கருத்து தெரிவித்த NDB வங்கியின் நீலேந்திர விதானகே, “NCGI மற்றும் ஹட்ச் உடனான எமது பங்குடைமையானது , இலங்கையிலுள்ள ஆரம்ப கட்ட நிறுவனங்களின் ஆற்றலில் எமது அசைக்க முடியாத நம்பிக்கையின் பிரதிபலிப்பாகும். பல புதிய வர்த்தகங்களுக்கு , குறிப்பாக பாரம்பரிய சொத்துக்கள் அல்லது பிணையம் இல்லாதவர்களுக்கு, நிதி அணுகல் ஒரு முக்கிய தடையாக உள்ளது என்பதை நாம் புரிந்துகொள்கிறோம். NCGIயின் உத்தரவாதம் இந்த இயக்கவியலை மாற்றுகிறது, மேலும் வாய்ப்பை அணுகுவதில் நாம் பெருமை கொள்கிறோம்.” 

NDB, NCGI மற்றும் Hatch இடையேயான இந்த ஒத்துழைப்பானது, நாடு முழுவதும் உள்ள தொழில்முனைவோர் சமூகங்களுக்கு மேலும் அறிவுப் பகிர்வு அமர்வுகள் மற்றும் நிதி அணுகல் முயற்சிகளை விரிவுபடுத்தும் திட்டங்களுடன் எதிர்வரும் மாதங்களில் தொடரும் என்று எதிர்பார்க்கப்படுகிறது.மேலும் இந்த நிறுவனங்கள் இணைந்து,புத்தாக்கங்களைக் கொண்ட , மற்றும் நிதியியல் தீர்வுகளுக்காக அணுகக்கூடிய, பாதுகாப்பான மற்றும் நிலையானதாக இருக்கும் ஒரு உள்ளடக்கிய ஆரம்ப கட்ட சுற்றுச்சூழல் முறைமையை உருவாக்குகின்றன. 

NDB வங்கி இலங்கையில் நான்காவது பாரிய பட்டியலிடப்பட்ட வணிக வங்கியாகும். ஆசிய வங்கியியல் மற்றும் நிதி சில்லறை வங்கியியல் விருதுகள் 2023 இல் ஆண்டின் சிறந்த சில்லறை வங்கி (இலங்கை) மற்றும் Asiamoney ஆல் சிறந்த கூட்டாண்மை வங்கி 2023 என பெயரிடப்பட்டது. மேலும் 2022 ஆம் ஆண்டில் தொடர்ச்சியாக இரண்டாவது வருடமாக இலங்கையில் அதிக விருதுகளைப் பெற்ற நிறுவனமாக இலங்கையின் LMD சஞ்சிகையினால் வருடாந்த தரவரிசையில் வரிசைப்படுத்தப்பட்டது.Global Finance USA மற்றும் Euromony ஆகியவற்றின் வருடாந்த சிறந்த வங்கி விருது நிகழ்ச்சிகளில் 2022 இல் இலங்கையின் சிறந்த வங்கியாக தெரிவு செய்யப்பட்டது. மேலதிகமாக , USA யிலுள்ள கிரேட் பிளேஸ் டு வொர்க்அமைப்பினால் இலங்கையில் 2022 இல் சிறந்த 50 பணியிடங்களில் ஒன்றாக பெயரிடப்பட்டது. NDB என்பது NDB குழுமத்தின் தாய் நிறுவனமாகும்,இது மூலதன சந்தை துணை நிறுவனங்களை உள்ளடக்கியநிலையில் ஒரு தனித்துவமான வங்கியியல் மற்றும் மூலதன சந்தை சேவைகள் குழுவை உருவாக்குகிறது. டிஜிட்டல் வங்கியியல் தீர்வுகளினை பயன்படுத்தி அர்த்தமுள்ள நிதி மற்றும் ஆலோசனை சேவைகள் மூலம் தேசத்தையும் அதன் மக்களையும் மேம்படுத்துவதற்கு வங்கி உறுதிபூண்டுள்ளது.