NDB வங்கியானது , இலங்கையர்களின் கல்விப் பயணங்களில் எல்லைகளைத் தாண்டிய முன்னேற்றத்தை அடைவதற்கான தனது உறுதிப்பாட்டை மீண்டும் உறுதிப்படுத்தும் வகையில், Student in Aus Education Consultants உடனான தனது அண்மைய பங்குடைமையை அறிவிப்பதில் மகிழ்ச்சி அடைகிறது. ஜூலை 25, 2025 அன்று புரிந்துணர்வு ஒப்பந்தமொன்றில் (MoU) கைசாத்திட்டதன் மூலம் குறிக்கப்பட்ட இந்த மூலோபாய ஒத்துழைப்பானது, மாணவர்கள் மற்றும் அவர்களது குடும்பங்களுக்கு விரிவான நிதியியல் தீர்வுகளை வழங்குவதன் மூலம் உலகளாவிய கல்விக்கான அணுகலை மேலும் எளிதாக்குவதை நோக்கமாகக் கொண்டுள்ளது. 

NDB வங்கியின் தலைமை அலுவலகத்தில் இடம்பெற்ற அதிகாரப்பூர்வ கையொப்பமிடும் நிகழ்வில் வங்கியின் தனிப்பட்ட வங்கிப்பிரிவு மற்றும் வாடிக்கையாளர் அனுபவத்தின் சிரேஷ்ட துணைத் தலைவர் திரு. சஞ்சய பெரேரா மற்றும் வங்கியைப் பிரதிநிதித்துவப்படுத்தும் கிளை செயல்பாடுகளின் உதவி துணைத் தலைவர் திரு. வின்ஜய ஜெயசிங்க ஆகியோரும் Student in Aus Education Consultants சார்பாக பணிப்பாளர்கள் திரு. சரித் ரணசிங்க மற்றும் திருமதி. ஷஃப்ரினா ரிஸ்வி ஆகியோரும் கையொப்பமிட்டனர். 

இந்த பங்குடைமை மூலம், ஆர்வமுள்ள மாணவர்கள் வெளிநாடுகளில் கல்வி கற்பதற்குத் தேவையான நிதியியல் கருவிகளுக்கான நெறிப்படுத்தப்பட்ட அணுகலைப் பெறுவார்கள், இதில் தனிப்பயனாக்கப்பட்ட கல்விக் கடன்கள், மாணவர் கோப்பு வசதிகள், வெளிநாட்டு பணம் அனுப்பும் தீர்வுகள் மற்றும் ஆலோசனை சேவைகள் ஆகியவை அடங்கும். இந்த பங்குடைமையானது விண்ணப்பம் மற்றும் விசா செயலாக்கம் முதல் சர்வதேச தீர்வு வரை மாணவர்களின் வெளிநாட்டுக் கல்விப் பயணத்தின் ஒவ்வொரு கட்டத்திலும் அவர்களுக்கு ஆதரவளிக்கும் வகையில் வடிவமைக்கப்பட்டுள்ளது. 

NDB வங்கியின் புகழ்பெற்ற கல்வி பங்குதாரர்களுடனான மூலோபாய பங்குடைமையின் தொடர்ச்சியான விரிவாக்கமானது வெளிநாட்டுக் கல்வியை இலங்கையர்களுக்கு தடையற்ற, மற்றும் மன அழுத்தமில்லாத அனுபவமாக மாற்றுவதற்கான அதன் பரந்த பார்வையை பிரதிபலிக்கிறது. கல்வி வேலைவாய்ப்புகள் மற்றும் விசா நடைமுறைகள் குறித்து நிபுணர் வழிகாட்டுதலை வழங்கும் Student in Aus Education Consultants உடன், மாணவர்கள் தற்போது கல்வி ரீதியாகவும் நிதியியல் ரீதியாகவும் உண்மையிலேயே ஒருங்கிணைந்த ஆதரவினைப் பெற்று பயனடையலாம். 

இந்த நிகழ்வில் பேசிய சஞ்சய பெரேரா, “NDB வங்கியானது வெளிநாட்டு கல்வி என்பது ஒரு குடும்பம் செய்யக்கூடிய மிகவும் அர்த்தமுள்ள முதலீடுகளில் ஒன்றாகும் என்பதை உணர்ந்து கொள்கிறது. Student in Aus Education Consultants போன்ற நம்பகமான நிறுவனங்களுடன் கூட்டு சேர்வதன் மூலம், நிதி திட்டமிடல் செயல்முறையை எளிதாக்குவதையும், ஒவ்வொரு மாணவரின் வெற்றிக் கதையிலும் ஒரு பகுதியாக இருப்பதையும் நாம் நோக்கமாகக் கொண்டுள்ளோம். இது எமது நோக்கத்தின் பிரதிபலிப்பாகும் NDB வங்கியானது பாரம்பரிய வங்கிச் சேவைகளுக்கு அப்பாற்பட்ட ஆதரவை வழங்கும், நோக்கத்துடன் இயங்கும் நிதிச் சேவைகளில் தொடர்ந்து முன்னணியில் உள்ளது. இந்த பங்குடைமையானது நாட்டின் மிகவும் நம்பகமான நிதியியல் நிறுவனங்களில் ஒன்றின் ஸ்திரத்தன்மை மற்றும் நிபுணத்துவத்தின் ஆதரவுடன், இலங்கை மாணவர்கள் நம்பிக்கையுடன் உலகளாவிய வாய்ப்புகளை அணுக உதவுவதில் மற்றொரு படியாகும். 

NDB வங்கி இலங்கையில் நான்காவது பாரிய பட்டியலிடப்பட்ட வணிக வங்கியாகும். ஆசிய வங்கியியல் மற்றும் நிதி சில்லறை வங்கியியல் விருதுகள் 2023 இல் ஆண்டின் சிறந்த சில்லறை வங்கி (இலங்கை) மற்றும் Asiamoney ஆல் சிறந்த கூட்டாண்மை வங்கி 2023 என பெயரிடப்பட்டது. மேலும் 2022 ஆம் ஆண்டில் தொடர்ச்சியாக இரண்டாவது வருடமாக இலங்கையில் அதிக விருதுகளைப் பெற்ற நிறுவனமாக இலங்கையின் LMD சஞ்சிகையினால் வருடாந்த தரவரிசையில் வரிசைப்படுத்தப்பட்டது.Global Finance USA மற்றும் Euromony ஆகியவற்றின் வருடாந்த சிறந்த வங்கி விருது நிகழ்ச்சிகளில் 2022 இல் இலங்கையின் சிறந்த வங்கியாக தெரிவு செய்யப்பட்டது. மேலதிகமாக , USA யிலுள்ள கிரேட் பிளேஸ் டு வொர்க்அமைப்பினால் இலங்கையில் 2022 இல் சிறந்த 50 பணியிடங்களில் ஒன்றாக பெயரிடப்பட்டது. NDB என்பது NDB குழுமத்தின் தாய் நிறுவனமாகும்,இது மூலதன சந்தை துணை நிறுவனங்களை உள்ளடக்கியநிலையில் ஒரு தனித்துவமான வங்கியியல் மற்றும் மூலதன சந்தை சேவைகள் குழுவை உருவாக்குகிறது. டிஜிட்டல் வங்கியியல் தீர்வுகளினை பயன்படுத்தி அர்த்தமுள்ள நிதி மற்றும் ஆலோசனை சேவைகள் மூலம் தேசத்தையும் அதன் மக்களையும் மேம்படுத்துவதற்கு வங்கி உறுதிபூண்டுள்ளது.