கிராண்ட் செஸ் சுற்றுப் பயணத்தின் ஒரு அங்கமான சின்கியுபீல்ட் (sinquefield) கிண்ண செஸ் போட்டி அமெரிக்காவில் உள்ள செயின்ட் லூயிஸ் நகரில் நடைபெறுகிறது. 

இதில் நேற்று முன்தினம் இரவு நடந்த 6 வது சுற்று ஆட்டம் ஒன்றில் தமிழகத்தை சேர்ந்த பிரக்ஞானந்தா, போலந்தின் டுடா ஜன் கிர்சிஸ்டோப்பை சந்தித்தார். 

வெள்ளை நிற காய்களுடன் ஆடிய பிரக்ஞானந்தா 32-வது நகர்த்தலில் சமநிலை கண்டார். 

முதல் சுற்றில் வெற்றி பெற்ற பிரக்ஞானந்தா அதன் பிறகு தொடர்ச்சியாக சந்தித்த 5 வது சமநிலை இதுவாகும் 

இதேபோல் உலக சம்பியனான தமிழகத்தை சேர்ந்த குகேஷ், பிரான்சின் அலிரெஜா பிரோவ்ஜாவுடன் மோதிய ஆட்டம் 78-வது நகர்த்தலில் சமநிலையில் முடிந்தது. 

9 சுற்றுகள் கொண்ட இந்த போட்டியில் 6-வது சுற்று முடிவில் பாபியானோ கருனா 4 புள்ளிகளுடன் முதலிடம் வகிக்கிறார். லெவோன் அரோனியன், பிரக்ஞானந்தா ஆகியோர் தலா 3½ புள்ளிகளுடன் 2-வது இடத்தில் உள்ளனர்.