டொயோட்டா வாகனங்களை பலருக்கும் கிடைக்கக்கூடியதாக, சௌகரியமாக, மற்றும் நம்பிக்கையுடன் சொந்தமாக்கிக் கொள்ள உதவும் வகையில் வடிவமைக்கப்பட்ட பல்வேறு வாகனக் குத்தகைத் தீர்வுகளை வழங்குவதற்கு DFCC வங்கி மற்றும் டொயோட்டா லங்கா ஆகியன கைகோர்த்துள்ளன. தரம், வாடிக்கையாளர்களுக்கு முதலிடமளிக்கும் சேவை, மற்றும் நீண்ட கால மதிப்பு ஆகியவற்றில் இந்த இரு நிறுவனங்களும் தமக்கிடையில் பகிர்ந்து கொண்டுள்ள அர்ப்பணிப்பை இக்கூட்டாண்மை பிரதிபலிக்கிறது. 

இந்த ஒத்துழைப்பின் மூலமாக, ஒப்பீட்டளவில் சிறந்த வட்டி வீதங்கள், எளிமைப்படுத்தப்பட்ட அங்கீகார நடைமுறைகள், மற்றும் யதார்த்த வாழ்வின் நிதித் தேவைக்கேற்ப பிரத்தியேகமான, நெகிழ்திறன் கொண்ட மீள்கொடுப்பனவுத் தெரிவுகள் ஆகியவற்றை வாடிக்கையாளர்கள் தற்போது பெற்றுக்கொள்ள முடியும். முறையாக ஒழுங்கமைக்கப்படாத சந்தைகளில் கொள்வனவு செய்வதற்குப் பதிலாக, மிகவும் பாதுகாப்பான, மற்றும் வெளிப்படையான தீர்வாக இது மாறியுள்ளதுடன், டொயோட்டா லங்கா நிறுவனத்தின் அங்கீகரிக்கப்பட்ட முகவர் வலையமைப்பினூடாக விற்பனைக்குப் பின்னரான கவனிப்பு, அசல் உதிரிப்பாகங்கள், மற்றும் தொடர்ச்சியான பராமரிப்புச் சேவை ஆதரவு ஆகியவற்றை வாடிக்கையாளர்கள் அனுபவிப்பது உறுதி செய்யப்பட்டுள்ளது. 

நாடளாவியரீதியில் DFCC வங்கிக் கிளைகள் மற்றும் டொயோட்டா லங்கா முகவராண்மைகள் மூலமாகக் கிடைக்கப்பெறுகின்ற இத்திட்டமானது, தனக்கென முதல் முறையாக வாகனமொன்றைக் கொள்வனவு செய்ய விரும்பும் தனிநபர்களானாலும் சரி, தமது போக்குவரத்து வசதியை மேம்படுத்திக் கொள்ள விரும்புகின்ற குடும்பங்களானாலும் சரி, அல்லது நம்பிக்கையான வாகனத் தொகுதி மீது முதலீடு செய்ய விரும்புகின்ற வணிக நிறுவனங்களானாலும் சரி, அனைத்து வகையான வாடிக்கையாளர்களுக்கும் தீர்வளிக்கின்றது. தெளிவான விதிமுறைகள், நேரடி வழிகாட்டல் ஆலோசனை, மற்றும் வாகனம் தொடர்பான விசாரிப்பு முதல் அதனைக் கையளிக்கும் வரை திறன் மிக்க ஒட்டுமொத்த நடைமுறை ஆகியவற்றின் பலாபலன்களை வாடிக்கையாளர்கள் அனைவரும் அனுபவிக்க முடியும். 

நீடித்து நிலைக்கும் போக்குவரத்தில் டொயோட்டா லங்கா கொண்டுள்ள நிரூபிக்கப்பட்ட பாரம்பரியச் சிறப்பு மற்றும் DFCC வங்கியின் நம்பிக்கைமிக்க நிதி நிபுணத்துவம் ஆகியவற்றை ஒன்றிணைத்துள்ள இந்த முயற்சி, கடுமையான நிதி வழங்கல் கட்டமைப்புக்கள் மற்றும் மந்தமான நடைமுறை போன்று மோட்டார்வாகன நிதித் துறையில் நீண்ட காலமாக நிலவி வருகின்ற சவால்களுக்கு தீர்வளிக்கின்றது. நம்பிக்கை, சௌகரியம், மற்றும் மனநிம்மதி ஆகியவற்றை அடிப்படையாகக் கொண்டு வழங்கப்படும் தங்குதடையற்ற போக்குவரத்து அனுபவத்துடன், இலங்கையில் வாடிக்கையாளர்களை மையமாகக் கொண்ட குத்தகை வழங்கலில் புதிய தர ஒப்பீட்டு நியமத்தை இந்த ஒத்துழைப்பு நிலைநாட்டியுள்ளது.