பிக் பாஸ் 9 நிகழ்ச்சியில் கலந்து கொள்ளப் போகும் போட்டியாளர்கள் என்று ஒரு லிஸ்ட் அதற்குள் சமூக வலைதளங்களில் வலம் வரத் துவங்கிவிட்டது. அந்த பட்டியலில் நீங்கள் எதிர்பார்க்கும் ஆட்களின் பெயர்கள் இருக்கிறதா என பாருங்கள். 

பிக் பாஸ் 9 விரைவில் துவங்கவிருக்கிறது என்று விஜய் டிவி அறிவிப்பு வெளியிட்டதும் வெளியிட்டது பார்வையாளர்களிடையேயான எதிர்பார்ப்பு அதிகரித்துக் கொண்டே போகிறது. பிக் பாஸில் இருந்து பிரேக் எடுத்த விண்வெளி நாயகன் கமல் ஹாசன் திரும்பி வருவார் என்று எதிர்பார்த்தவர்கள் ஏமாற்றம் அடைந்திருக்கிறார்கள். 

கமல் ஹாசன் அல்ல விஜய் சேதுபதி தான் 9 ஆவது சீசனை தொகுத்து வழங்கவிருக்கவிருக்கிறார். பார்வையாளர்கள் மத்தியில் என்ன நடக்கிறது என்பதை புரிந்து கொண்ட பிக் பாஸ் நிகழ்ச்சி ஏற்பாட்டாளர்கள் எந்த குழப்பமும் வரக் கூடாது என்று தொகுப்பாளர் யார் என்பதை முன் கூட்டியே அறிவித்துவிட்டார்கள். 

பிக் பாஸ் நிகழ்ச்சியை தமிழில் துவங்கி 8 சீசன் முடிந்து 9 ஆவது சீசனும் துவங்கவிருக்கிறது. முதல் சீசனில் இருந்தே இவர்கள் தான் பிக் பாஸ் போட்டியாளர்கள் என்று ஒரு பட்டியல் சோஷியல் மீடியாவில் வந்து கொண்டிருக்கிறது. இந்நிலையில் இந்த சீசனுக்கான பட்டியலும் வந்துவிட்டது. 

அந்த பட்டியலில் பாக்கியலட்சுமி சீரியல் இனியா, டான்ஸர் சிந்தியா வினோலின், டான்ஸ் மாஸ்டர் சதீஷ் கிருஷ்ணன், நடிகர் பால சரவணன், டிவி சீரியல் நடிகர் புவி அரசு, சீரியல் நடிகரும், நிகழ்ச்சி தொகுப்பாளருமான வினோத் பாபு, குக் வித் கோமாளி 6 போட்டியாளர் ஷபானா ஷாஜஹான், டிவி சீரியல் நடிகை ஃபரினா ஆசாத், கூமாப்பட்டி தங்க பாண்டி, காஷ்மீர் தமிழன் உமைர் இப்ன் லத்தீஃப், வி.ஜே. பார்வதி, மகாநதி சீரியல் நடிகை லக்ஷ்மி ப்ரியா, சோஷியல் மீடியா பிரபலம் அரோரா, என்ன சொல்லப் போகிறாய் பட ஹீரோ அஸ்வின் குமார், திருமணம் சீரியல் நடிகர் சித்து சித் ஆகியோரின் பெயர்கள் அந்த பட்டியலில் இருக்கிறது. 

அந்த பட்டியலில் இருக்கும் 15 பேரையும் பிக் பாஸ் 9 வீட்டில் பார்க்க முடியும் என்று இல்லை. ஆனால் பட்டியலில் இருக்கும் ஒரு சிலர் நிச்சயம் பிக் பாஸ் வாய்ப்பு கிடைத்து போட்டியாளர் ஆவார்கள். குக் வித் கோமாளி 6 நிகழ்ச்சியில் கலந்து கொண்டிருக்கும் உமைர் லத்தீஃப், ஷபானா ஷாஜஹான் பிக் பாஸ் 9 வீட்டிற்கு செல்ல வாய்ப்பு அதிகம் என்று கூறப்படுகிறது. 

இதற்கிடையே வாட்டர்மெலன் ஸ்டார் என்று அழைக்கப்படும் திவாகரை தேடி பிக் பாஸ் வாய்ப்பு சென்றதாக தகவல் வெளியானது. ஆனால் பிக் பாஸ் 9 வீட்டில் டாக்டர் திவாகரை பார்ப்பது சந்தேகம் தான் என்கிறார்கள். அதற்கு காரணம் அவர் போட்டிருக்கும் கன்டிஷன்களாம். 

இந்த பட்டியல் எல்லாம் இருக்கட்டும் குக் வித் கோமாளி 6ல் இருந்து இன்னொருவரையும் பிக் பாஸ் வீட்டிற்கு அழைத்து வந்தால் சிறப்பாக இருக்கும். அது வேறு யாரும் அல்ல நடுவர் மாதம்பட்டி ரங்கராஜ் தான். அண்ணன் மட்டும் வந்தால் கன்டன்ட் நிறைய கிடைக்கும். மேலும் அவர் வந்தால் போட்டியாளர்கள் எல்லாம் சாப்பாட்டுக்கு பிரச்சனை இல்லாமல் வகை வகையாக சாப்பிடலாம். 

அப்படியே நாங்களும் கொஞ்சம் புது ரெசிபிக்களை தெரிந்து கொள்வோம் பிக் பாஸ் என்கிறார்கள் பார்வையாளர்கள். ஆனால் மாதம்பட்டி ரங்கராஜ் பிக் பாஸ் 9 வீட்டிற்கு வர வாய்ப்பே இல்லை.