NDB வங்கியானது அண்மையில் தனது மதிப்புமிக்க சிறப்புரிமை [Privilege] வாடிக்கையாளர்களுக்காக பிரத்தி யேக மெய்நிகர் சுகாதார வாழ்வு தொடர்பான அமர்வொன்றை நடத்தியது, இந்நிகழ்வானது பாரம்பரிய வங்கியியல் துறைக்கு அப்பாற்பட்ட முழுமையான வாழ்க்கை முறை அனுபவங்களை வழங்குவதற்கான அதன் உறுதிப்பாட்டை மீண்டும் உறுதிப்படுத்தியது. 

இந்த இணையவழி கருத்தரங்கில், NDB இன் சிறப்புரிமை வாடிக்கையாளர்களில் சுமார் 200 பேர் கலந்து கொண்டனர், இந்த அமர்வானது நீரிழிவு தொடர்பாக அறிந்துகொள்ள வேண்டியவை சார்ந்த தொனிப்பொருளில் கவனம் செலுத்தியது. இந்த அமர்வை சிங்கப்பூரின் Parkway மருத்துவமனைகளின் சிங்கப்பூரில் உள்ள ஆர்டன் நாளமில்லாச் சுரப்பு மருத்துவப் பிரிவில் நிபுணத்துவம் வாய்ந்த நாளமில்லாச் சுரப்பியில் மருத்துவ நிபுணர் டாக்டர் இங் ஜென் மின் பென் நடத்தினார், அவர் நீரிழிவு நோயை வாழ்க்கை முறை மூலம் குணப்படுத்துதல் குறித்த மதிப்புமிக்க மருத்துவ நுண்ணறிவுகள் மற்றும் சான்றுகள் சார்ந்த கருத்துக்களைப் பகிர்ந்து கொண்டார். 

இந்த ஊடாடும் அமர்வானது , சிறப்புரிமை வாடிக்கையாளர்களுக்கு அவர்களின் உடல்நலம் மற்றும் நல்வாழ்வை சிறப்பாக வழிநடத்துவதற்கான நடைமுறை அறிவை வழங்குவதற்காக வடிவமைக்கப்பட்டிருந்தது. அதே நேரத்தில் வாழ்க்கை முறை தொடர்பான நிலைமைகளுக்கு ஒரு முன்னெச்சரிக்கை அணுகுமுறையை ஊக்குவிப்பதாகவும் அமைந்திருந்தது.இந்த முயற்சியானது , அதன் சிறப்புரிமை வாடிக்கையாளர்களுக்கு நம்பகமான வாழ்க்கை முறை பங்காளராக திகழ வேண்டும் என்ற NDB இன் தொலைநோக்கை பிரதிபலித்தது. பல பரிமாணங்களில் அவர்களின் வாழ்க்கையை வளப்படுத்தும் அர்த்தமுள்ள ஈடுபாடுகளையும் வெளிப்படுத்துவதாக அமைந்திருந்தது. 

இந்த முயற்சி தொடர்பாக கருத்து தெரிவித்த NDB வங்கியின் உதவி துணைத் தலைவரும், சிறப்புரிமை தெரிவு மற்றும் சிறப்புரிமை வங்கிப்பிரிவு தலைவருமான கிஹான் புஞ்சிஹேவா, “NDB சிறப்புரிமை வங்கிப்பிரிவில் பணிபுரியும் நாம், உண்மையான செல்வம் என்பது நிதி வளர்ச்சிக்கு அப்பால்நீண்டகால ஆரோக்கியம் மற்றும் நல்வாழ்வை உள்ளடக்கியது என்று நம்புகிறோம். இந்த ஆரோக்கிய மெய்நிகர்க் கருத்தரங்கு, உலகளாவிய நிபுணத்துவத்தைஎமது மதிப்புமிக்க வாடிக்கையாளர்களுக்கு நெருக்கமாகக் கொண்டுவருவதற்கான எமது தொடர்ச்சியான முயற்சிகளின் ஒரு பகுதியாகும், இது அவர்களின் தனிப்பட்ட மற்றும் தொழில்முறை வாழ்க்கையை மேம்படுத்தும் அறிவால் அவர்களை வலுப்படுத்துகிறது.” 

NDB சிறப்புரிமை வங்கிப்பிரிவானது,இது போன்ற தேர்ந்தெடுக்கப்பட்ட அமர்வுகள் மூலம், நிதித் தீர்வுகளை வாழ்க்கை முறை செறிவூட்டலுடன் கலப்பதன் மூலம் வாடிக்கையாளர் ஈடுபாட்டை மறுவரையறை செய்து வருவதுடன் இது வங்கியின் நீண்டகால சிறப்பு, அக்கறை மற்றும் புத்தாக்கத்திற்கான அர்ப்பணிப்பை அடிக்கோடிட்டுக் காட்டுகிறது. 

NDB வங்கி இலங்கையில் நான்காவது பாரிய பட்டியலிடப்பட்ட வணிக வங்கியாகும். ஆசிய வங்கியியல் மற்றும் நிதி சில்லறை வங்கியியல் விருதுகள் 2023 இல் ஆண்டின் சிறந்த சில்லறை வங்கி (இலங்கை) மற்றும் Asiamoney ஆல் சிறந்த கூட்டாண்மை வங்கி 2023 என பெயரிடப்பட்டது. மேலும் 2022 ஆம் ஆண்டில் தொடர்ச்சியாக இரண்டாவது வருடமாக இலங்கையில் அதிக விருதுகளைப் பெற்ற நிறுவனமாக இலங்கையின் LMD சஞ்சிகையினால் வருடாந்த தரவரிசையில் வரிசைப்படுத்தப்பட்டது.Global Finance USA மற்றும் Euromony ஆகியவற்றின் வருடாந்த சிறந்த வங்கி விருது நிகழ்ச்சிகளில் 2022 இல் இலங்கையின் சிறந்த வங்கியாக தெரிவு செய்யப்பட்டது. மேலதிகமாக , USA யிலுள்ள கிரேட் பிளேஸ் டு வொர்க்அமைப்பினால் இலங்கையில் 2022 இல் சிறந்த 50 பணியிடங்களில் ஒன்றாக பெயரிடப்பட்டது. NDB என்பது NDB குழுமத்தின் தாய் நிறுவனமாகும்,இது மூலதன சந்தை துணை நிறுவனங்களை உள்ளடக்கியநிலையில் ஒரு தனித்துவமான வங்கியியல் மற்றும் மூலதன சந்தை சேவைகள் குழுவை உருவாக்குகிறது. டிஜிட்டல் வங்கியியல் தீர்வுகளினை பயன்படுத்தி அர்த்தமுள்ள நிதி மற்றும் ஆலோசனை சேவைகள் மூலம் தேசத்தையும் அதன் மக்களையும் மேம்படுத்துவதற்கு வங்கி உறுதிபூண்டுள்ளது.