நடப்பு ஆண்டில் செப்டெம்பர் 30 ஆம் திகதியுடன் நிறைவடைந்த மூன்றாம் காலாண்டிலும், முதல் ஒன்பது மாத காலப்பகுதியிலும் SLT குழுமம், உறுதியான நிதிப் பெறுபேறுகளைப் பதிவு செய்துள்ளது. இலாபகரத்தன்மை, செயற்பாட்டு வினைத்திறன் மற்றும் மூலோபாய செலவு முகாமைத்துவம் ஆகியவற்றில் குறிப்பிடத்தக்களவு உயர்வை தொடர்ந்தும் பதிவு செய்திருந்தது. குழுமத்தின் சீரான நிறைவேற்றுகைகள் மற்றும் நிதிசார் மீட்சி செயற்பாடுகள் போன்றன முன்னைய ஆண்டுடன் ஒப்பிடுகையில் குறிப்பிடத்தக்களவு திருப்பத்தை ஏற்பட ஏதுவாக இருந்ததுடன், இலங்கையின் டிஜிட்டல் பொருளாதாரத்தின் பிரதான செயற்பாட்டாளராக அதன் நிலையை உறுதி செய்திருந்தது. 

2025 ஆம் ஆண்டின் மூன்றாவது காலாண்டில், குழுமம் வலுவான முன்னேற்றத்தை பதிவு செய்திருந்தது. அதன்மூலம், 2024 ஆம் ஆண்டின் மூன்றாம் காலாண்டில் ஈட்டிய ரூ. 1.1 பில்லியன் வரிக்கு பிந்திய இலாபத்துடன் ஒப்பிடுகையில், இவ்வாண்டின் மூன்றாம் காலாண்டில் ரூ. 2.2 பில்லியனாகப் பெறப்பட்டது. நிதிக் கட்டணங்கள் குறைந்ததன் காரணமாக, இலாபத்தன்மையில் ஏற்பட்ட 100.2% உயர்வு இதற்கு குறிப்பிடத்தக்க பங்களிப்பை அளித்தது. 

நிறுவன மட்டத்தில், SLT PLC-உம் இதேபோன்ற முன்னேற்றத்தைக் கண்டது. இது, முன்னைய ஆண்டின் வரிக்குப் பிந்தைய இலாபத்துடன் (PAT) ரூ. 932 மில்லியனுடன் ஒப்பிடுகையில், இம்முறை ரூ. 1.4 பில்லியன் குறிப்பிடத்தக்க வளர்ச்சியைப் பதிவு செய்தது. இது குறைந்த வட்டிச் செலவுகளால் உந்தப்பட்ட 53% அதிகரிப்பைக் குறிக்கிறது. மொபிடெல் இலாபம் ஒரு பெரிய உயர்வை அடைந்துள்ளது. இது 2024 ஆம் ஆண்டின் மூன்றாம் காலாண்டில் ரூ. 17 மில்லியனுடன் ஒப்பிடுகையில், ரூ. 639 மில்லியனாக உயர்வடைந்துள்ளது. இது 3,660% இனால் முன்னேற்றம் அடைந்துள்ளது. 

முதல் ஒன்பது மாதங்களைப் பொறுத்தவரை, SLT குழுமம் வரிக்குப் பிந்தைய இலாபத்தில் (PAT) குறிப்பிடத்தக்க அதிகரிப்பைப் பதிவு செய்துள்ளது. இது 2024 ஆம் ஆண்டின் முதல் ஒன்பது மாத வரிக்கு பிந்திய இலாபம் ரூ. 770 மில்லியனிலிருந்து கடுமையாக உயர்ந்து ரூ. 6.5 பில்லியனை அடைந்தது. நிறுவன மட்டத்தில், SLT ஆனது ரூ. 4.1 பில்லியன் PAT-ஐப் பதிவு செய்தது, இது 2024 இன் 9 மாத வரிக்கு பிந்திய இலாபம் ரூ. 1.2 பில்லியனிலிருந்து 238% வளர்ச்சியைக் காட்டுகிறது. மொபிடெல் தனது மீட்சியைக் கொண்டு சென்று, முந்தைய ஆண்டில் இருந்த ரூ. 1.1 பில்லியன் நஷ்டத்துடன் ஒப்பிடுகையில், ரூ. 1.7 பில்லியன் நிகர இலாபத்தை பதிவு செய்தது. இது நிதி மீட்சி மற்றும் செயல்பாட்டு வேகத்தை உறுதிப்படுத்துகிறது. 

SLT குழுமத்தின் தவிசாளர் கலாநிதி. மோதிலால் டி சில்வா கருத்துத் தெரிவிக்கையில், “SLT குழுமத்தின் ஒன்பது மாத நிதிப் பெறுபேறுகளினூடாக, நிறுவனத்தின் மூலோபாய மாற்றம் மற்றும் அணிகளின் மீள்திறன் வெளிப்படுத்தப்பட்டுள்ளது. எமது இலாப உயர்வினூடாக, நிதிசார் மைல்கல் உருவாக்கப்பட்டுள்ளதுடன், புதுப்பிக்கப்பட்ட ஆளுகை, உறுதியான நிறைவேற்றம் மற்றும் தேசிய முன்னேற்றத்துக்கு ஒப்பற்ற அர்ப்பணிப்பு ஆகியவற்றை வெளிப்படுத்துகிறது. நோக்கம் மற்றும் ஒழுக்கம் ஆகியவற்றுடன் இலங்கையின் டிஜிட்டல் எதிர்காலத்துக்கு வலுவூட்டுவதையிட்டு நாம் பெருமை கொள்கிறோம்.” என்றார். 

நிலையான வளர்ச்சிக்கு மத்தியில் உறுதியான இலாபகரத்தன்மை 

2025 ஆம் ஆண்டின் மூன்றாம் காலாண்டில், SLT குழுமம் தனது வலுவான நிதிப் பாதையில் தொடர்ந்து செயல்பட்டு, குழும மட்டத்தில் தொழிற்பாட்டு இலாபத்தில் ஆண்டுக்கு ஆண்டு 18.6% வளர்ச்சியைப் பதிவு செய்தது. SLT நிறுவன மட்டத்தில் தொழிற்பாட்டு இலாபம் 0.1% என்ற மிதமான அளவில் உயர்ந்தது. அதேசமயம், மொபிடெல் முந்தைய காலாண்டுகளில் ஏற்பட்ட மீட்சி வேகத்தின் அடிப்படையில், தொழிற்பாட்டு இலாபத்தில் ரூ. 897 மில்லியனிலிருந்து ரூ. 1,184 மில்லியனாக 32% அதிகரிப்புடன், மிகவும் வெளிப்படையான முன்னேற்றத்தை பதிவு செய்தது. 

2024 ஆம் ஆண்டின் மூன்றாம் காலாண்டுடன் ஒப்பிடும்போது, குழுமத்தின் வரிக்கு முந்தைய இலாபம் 93% இனால் அதிகரித்தது. நிகர இலாபமும் இதேபோன்ற வேகத்தை வெளிப்படுத்தி, கடந்த ஆண்டின் இதே காலாண்டை விட 100% இனால் அதிகரித்தது. மொபிடெலின் வரிக்கு முந்தைய இலாபம் மட்டும் 125% இனால் அதிகரித்து ரூ. 1,039 மில்லியனை எய்தியது. 

2025 ஆம் ஆண்டின் மூன்றாம் காலாண்டிற்கான குழும வருமானம் ரூ. 29.5 பில்லியனாக இருந்தது, இது முன்னைய ஆண்டின் இதே காலப்பகுதியுடன் ஒப்பிடுகையில் 3.3% அதிகரிப்பை பதிவு செய்திருந்தது. SLT நிறுவன மட்டத்திலான வருமானம் 1.7% இனால் உயர்ந்து காணப்பட்டதுடன், இதில் புரோட்பாண்ட், SME பிரிவு (சிறு மற்றும் நடுத்தர நிறுவனங்கள் பிரிவு), மற்றும் நிறுவன வருமான சேவைகள் ஆகியவை, வளர்ச்சிக்கான முக்கிய காரணங்களாக இருந்தன. 

மொபிடெலின் தொடர்ந்து முன்னேறி வரும் செயல்திறனானது முக்கிய உந்துசக்தியாக இருந்தது, அதன் வருமானம் ரூ. 11,651 மில்லியனிலிருந்து ரூ.12,115 மில்லியனாக 4% அதிகரித்தது. இந்த வளர்ச்சியில் மொபிடெலின் சந்தை நிலைப்பாடு மற்றும் சேவை வழங்குதலில், குறிப்பாகத் டேட்டா சேவைகள் மற்றும் வலையமைப்பு தரத்தில், தொடர்ச்சியான வலிமையைக் காண்பித்திருந்தன. 

செலவு கட்டுப்பாடு மற்றும் சிக்கனமான நிதிநிலைப்பாடு 

குழுமத்தின் செலவினங்களை கட்டுப்படுத்தும் மூலோபாயம், இலாபத்தன்மை உயர்வுக்கு அடிப்படையாக இருந்தது. 2025 ஆம் ஆண்டின் மூன்றாம் காலாண்டில், நேரடிச் செலவுகள், குழும மட்டத்தில் 3.8% மற்றும் SLT-இல் 5.8% குறைவை காண்பித்தன. அத்துடன், மொபிடெல் செலவுக்கட்டுப்பாட்டு நடவடிக்கைகளின் மூலம் தொழிற்பாட்டு செலவுகளை 2.5% இனால் குறைப்பதன் மூலம் செலவு ஸ்திரத்தன்மையைப் நிலைநாட்டியது. 

2025 ஆம் ஆண்டின் மூன்றாம் காலாண்டில் SLT-இன் விற்பனை மற்றும் சந்தைப்படுத்தல் 27.4% இனால் அதிகரித்ததுடன், குழும மட்டத்தில் செலவுகள் 14.5% இனால் உயர்ந்தன. இதற்கு மாறாக, மொபிடெல் சந்தைப்படுத்தல் செலவினத்தில் குறைவைப் பதிவு செய்தது. நிர்வாகச் செலவுகள் குழும மட்டத்தில் 8.2% இனால் அதிகரித்தன. SLT மற்றும் மொபிடெல் இரண்டும் மூலோபாய வளர்ச்சிக் கட்டமைப்புடன் இணங்கி, இந்த உயர்விற்கு விகிதாசாரத்தில் பங்களித்தன. 

2025 ஆம் ஆண்டின் மூன்றாம் காலாண்டில் நிதிச் செலவீனங்கள் குறிப்பிடத்தக்க அளவில் குறைந்தது. குழும மட்டத்தில் வட்டிச் செலவுகள் 24.2% இனால் குறைந்தன. மேலும், குறைக்கப்பட்ட கடன்கள் மற்றும் மேம்படுத்தப்பட்ட நிதி நிர்வாகம் காரணமாக SLT-இன் வட்டிச் செலவுகள் 30.1% சரிவை எட்டியது. மொபிடெலின் நிதிச் செலவீனங்கள் சற்று உயர்ந்தன, இது வலையமைப்பு மற்றும் கொள்ளளவு திறனில் முதலீடுகளை இலக்காகக் கொண்டு வாங்கிய கடன்களால் அதிகரித்தது. இந்த மாற்றங்கள், இலங்கையின் தொலைத்தொடர்புத் துறையில் ஒரு மீள்தன்மையுள்ள மற்றும் முன்னேற்றச் சிந்தனையுள்ள தலைமைச் செயற்பாட்டாளராக, குழுமத்தின் நிலையை வலுப்படுத்தும் விதமாக, முதலீட்டை நிதி விவேகத்துடன் சமநிலைப்படுத்துவதில் தொடர்ச்சியான கவனம் செலுத்துவதைக் காண்பித்துள்ளது. 

SLT குழும பிரதம நிறைவேற்று அதிகாரி இமந்த விஜேகோன் கருத்துத் தெரிவிக்கையில், “SLT குழுமத்தின் ஒன்பதுமாத நிதிப் பெறுபேறுகள் என்பது, ஒழுக்கமான நிறைவேற்றங்கள் மற்றும் மூலோபாயத்தின் தெளிவுத்தன்மை ஆகியவற்றின் நேரடி பெறுபேறாகும். டிஜிட்டல் உட்கட்டமைப்பு மற்றும் புத்தாக்கம் ஆகியவற்றில் நாம் தொடர்ச்சியாக முதலீடுகளை மேற்கொண்டு, தேசத்தின் எதிர்கால இணைப்புத்திறனை மேம்படுத்துவதுடன், நிலைபேறான வளர்ச்சியின் செயற்பாட்டாளராகவும் அமைந்துள்ளோம். சகல பங்குதாரர்களுக்கும் நீண்ட கால பெறுமதியை ஏற்படுத்திக் கொடுப்பதற்கான எமது அர்ப்பணிப்பை பிரதிபலிப்பதாக இந்த பெறுபேறுகள் அமைந்துள்ளன.” என்றார். 

மொபிடெல் பிரதம செயற்பாட்டு அதிகாரி சுதர்ஷன கீகனகே கருத்துத் தெரிவிக்கையில், “2025 ஆம் ஆண்டின் முதல் ஒன்பது மாதங்களில் மொபிடெல் அடைந்த ரூ. 1.7 பில்லியன் இலாபம், முந்தைய ஆண்டில் ஏற்பட்ட ரூ. 1.1 பில்லியன் நஷ்டத்துடன் (ஆண்டுக்கு ஆண்டு) ஒப்பிடும்போது, ஒரு சிறப்பான மீட்சியாகும். இது இலக்கு சார்ந்த செயல்பாடு மற்றும் மூலோபாய விறுவிறுப்பு ஆகியவற்றின் விளைவாகும். மூன்றாம் காலாண்டில் நிலைநிறுத்தப்பட்ட வளர்ச்சி, நிறுவனத்தின் தகவமைத்துக் கொள்ளும், புதுமை புகுத்தும் மற்றும் மேம்படுத்தப்பட்ட மதிப்பை வழங்கும் திறனைப் பிரதிபலிக்கிறது. தரவு சேவைகள், வலையமைப்பு தரம் மற்றும் செயல்பாட்டுத் திறன் ஆகியவற்றில் நிறுவனத்தின் மூலோபாயக் கவனம், மேம்பட்ட சந்தை நிலைப்பாடு மற்றும் நிதி மீள்தன்மை ஆகியவற்றில் பிரதிபலிக்கப்பட்டுள்ளது.” என்றார்.