Coca-Cola Beverages Sri Lanka நிறுவனம் (CCBSL), தனது புகழ்பெற்ற திரும்பப் பெறக்கூடிய கண்ணாடி போத்தல்களை SPAR Sri Lanka சூப்பர்மார்க்கெட்டில் அறிமுகப்படுத்தியுள்ளது. இதன் மூலம், வாடிக்கையாளர்களுக்கு மேலும் பரவலான கிடைக்கும் தன்மையும், பல்வேறு பேக்கேஜிங் தேர்வுகளும் வழங்கப்படுகின்றன. 

இந்த அறிமுக நிகழ்வு ஒக்டோபர் 10ஆம் தேதி, தலவத்துகொடையில் அமைந்துள்ள SPAR சூப்பர்மார்க்கெட்டில் நடைபெற்றது. இதில், Coca-Cola Beverages Sri Lanka நிறுவனத்தின் முகாமைத்துவப் பணிப்பாளர் பிரதீப் பாண்டேயும், SPAR Sri Lanka நிறுவனத்தின் பிரதம நிறைவேற்று அதிகாரி குமார் டி சில்வாவும் இணைந்து, இந்த திரும்பப் பெறக்கூடிய கண்ணாடி போத்தல்களை அதிகாரப்பூர்வமாக அறிமுகப்படுத்தினர். இனி, SPAR Sri Lanka-வின் அனைத்து சூப்பர்மார்க்கெட் கிளைகளிலும், வாடிக்கையாளர்கள் தங்களுக்குப் பிடித்த Coca-Cola பானங்களை மீண்டும் திரும்பப் பெறக்கூடிய போத்தல்களில் அனுபவிக்க முடியும். 

64 ஆண்டுகளாக இலங்கையில் இயங்கி வரும் Coca-Cola, சுற்றுச்சூழல் பாதுகாப்பிலும் உள்ளூர் சமூகங்களின் நலனிலும் கொண்டுள்ள அக்கறையை மேலும் உறுதிப்படுத்துகிறது. SPAR Sri Lanka உடனான கூட்டாண்மை இந்தப் பயணத்தில் முக்கியமான படியாக அமைகிறது. சிறப்பான வாடிக்கையாளர் அனுபவத்தையும், உயர்தர சில்லறை விற்பனை அனுபவங்களை வழங்குவதில் அர்ப்பணிப்பையும் கொண்ட SPAR Sri Lanka, நவீன வர்த்தக வழிகளில் Coca-Cola-வின் மீண்டும் திரும்பப் பெறக்கூடிய கண்ணாடி போத்தல்களை வாடிக்கையாளர்களுக்கு நெருக்கமாக கொண்டு செல்ல சிறந்த பங்காளியாக திகழ்கிறது. 

இந்த நிகழ்வில் உரையாற்றிய Coca-Cola Beverages Sri Lanka நிறுவனத்தின் முகாமைத்துவப் பணிப்பாளர் பிரதீப் பாண்டே, “வணிக நிறுவனங்களும், வாடிக்கையாளர்களும் ஒன்றிணைந்து செயல்படும்போதுதான் அர்த்தமுள்ள மாற்றங்கள் நிகழும் என நாங்கள் நம்புகிறோம். இன்றைய வாடிக்கையாளர்கள், குறிப்பாக இளைய தலைமுறையினர், தங்கள் தேர்வுகளில் மிகுந்த விழிப்புணர்வுடன் இருக்கிறார்கள். மேலும், பல்வேறு பேக்கேஜிங் விருப்பங்களை எதிர்பார்க்கிறார்கள். SPAR Sri Lanka உடனான எங்கள் கூட்டு முயற்சி இந்த வளர்ந்து வரும் தேவையை நிறைவேற்றுவதற்கான எங்கள் தொடர்ச்சியான அர்ப்பணிப்பை பிரதிபலிக்கிறது. நவீன வர்த்தகத்தில் மீண்டும் திரும்பப் பெறக்கூடிய கண்ணாடி போத்தல்களை எளிதில் கிடைக்கச் செய்வதன் மூலம், வாடிக்கையாளர்களுக்கு சிறந்த தேர்வுகளை வழங்கி, உலகளாவிய பேக்கேஜிங் இலக்குகளுடனும் இணைந்து செயல்படுகிறோம்.” என்றார். 

SPAR Sri Lanka நிறுவனத்தின் பிரதம நிறைவேற்று அதிகாரி குமார் டி சில்வா கூறுகையில், இந்த கூட்டு முயற்சி நேர்மறையான மாற்றங்களை உருவாக்குவதற்கும், பாரம்பரியமான கண்ணாடி போத்தல்களை மீண்டும் கொண்டு வருவதன் மூலம் பொறுப்பான நுகர்வை ஊக்குவிப்பதற்குமான எங்கள் பகிர்ந்த அர்ப்பணிப்பை பிரதிபலிக்கிறது. இந்த சிறந்த முயற்சிக்காகவும், இந்த மைல்கல்லை சாத்தியமாக்கியதற்காகவும், Coca-Cola Beverages Sri Lanka நிறுவனத்தின் முகாமைத்துவப் பணிப்பாளர் மற்றும் அவரது குழுவினருக்கும் எனது மனமார்ந்த நன்றிகளைத் தெரிவித்துக் கொள்கிறேன் என்றார். 

2022இல், இலங்கையின் பொருளாதார நெருக்கடிக்கு பதிலளிக்கும் விதமாக, CCBSL நிறுவனம் பெரிய அளவிலான மீண்டும் திரும்பப் பெறக்கூடிய கண்ணாடி போத்தலை (LRGB) அறிமுகப்படுத்தியது. உள்ளூரில் “Big Buddy Pack” என அழைக்கப்படும் இந்த திட்டம், மேல் மாகாணத்தில் முதலில் ஆரம்பிக்கப்பட்டு, பின்னர் நாட்டின் பிற பகுதிகளுக்கும் விரிவுபடுத்தப்பட்டது. LRGB இன் வெற்றியைத் தொடர்ந்து, 2024இல் Coca-Cola Beverages Sri Lanka நிறுவனம் வேறு இரு வசதியான அளவுகளில் கண்ணாடி போத்தல்களை அறிமுகப்படுத்தி, தனது மீண்டும் பயன்படுத்தக்கூடிய பேக்கேஜிங் வரிசையை விரிவுபடுத்தியது. இது பல்வேறு பேக்கேஜிங் தீர்வுகளை வழங்குவதற்கும், அதிகரித்து வரும் வாடிக்கையாளர் தேவைகளைப் பூர்த்தி செய்வதற்குமான CCBSL எடுத்த நடவடிக்கையாகும். 

பொறுப்பான வணிக நடைமுறைகள் மூலம், சமூகங்களுக்கும் சுற்றுச்சூழலுக்கும் நன்மை பயக்கும் வகையில் செயல்பட்டு, மக்கள் வாழ்க்கையில் நேர்மறையான மாற்றங்களை உருவாக்கும் ஒரு சிறந்த எதிர்காலத்தை உருவாக்குவதில் Coca-Cola Beverages Sri Lanka நிறுவனம் தொடர்ந்து அர்ப்பணிப்புடன் செயற்பட்டு வருகிறது.