இலங்கையின் முன்னணி மொபைல் பண கட்டமைப்பான SLT-MOBITEL mCash, இலங்கையில் டிஜிட்டல் கொடுப்பனவுகள் கட்டமைப்பில் புத்தாக்கம், நம்பிக்கை மற்றும் தலைமைத்துவம் ஆகியவற்றில் ஒரு தசாப்த காலப்பகுதிக்கு மேலாக 12 வருடப் பூர்த்தியை கொண்டாடுகிறது. 2013 ஆம் ஆண்டில் அறிமுகம் செய்யப்பட்ட mCash, சந்தை முன்னோடியாக வளர்ச்சியடைந்துள்ளதுடன், தனது கட்டணப் பட்டியல் கொடுப்பனவு மற்றும் செனல் பங்காளர்களினூடாக, இலங்கையின் மொபைல் பண கட்டமைப்பை மாற்றியமைத்த வண்ணமுள்ளது. 

mCash இனால் B2C மற்றும் B2B நிதிச் சேவைகள் கட்டமைப்புகளுக்கு ஆதரவளிக்கப்படுவதுடன், மில்லியன் கணக்கான வாடிக்கையாளர்களுக்கு சேவைகளைப் பெற்றுக் கொடுப்பதோடு, பயன்பாடுகள், காப்புறுதி, நிதி, லீசிங், வங்கியியல், போக்குவரத்து மற்றும் சரக்கு கையாளல் போன்ற துறைகளைச் சேர்ந்த வியாபாரங்களின் மில்லியன் கணக்கான வாடிக்கையாளர்களுக்கு சேவைகளை வழங்குகிறது. நாடு முழுவதிலும் 30,000 க்கும் அதிகமான சேவைப் பகுதிகள் மற்றும் 100 க்கும் அதிகமான வியாபார பங்காளர்களைக் கொண்டு நாட்டின் டிஜிட்டல் பரிவர்த்தனைகளுக்கான முக்கிய முதுகெலும்பாக mCash திகழ்கிறது. 

மேலும், 12 வருடங்களுக்கு மேலாக நிதிசார் உள்ளடக்கம் மற்றும் தொடர்ச்சியான புத்தாக்கம் ஆகியவற்றை முன்னெடுத்துச் செல்ல mCash உதவுவதுடன், ஒவ்வொரு ஆண்டிலும் மில்லியன் கணக்கான பரிவர்த்தனைகளை முன்னெடுப்பதற்கு ஆதரவளிக்கும் நம்பிக்கையை வென்ற மொபைல் பணம்-சார்ந்த கொடுப்பனவு கட்டமைப்பாக வளர்ச்சியடைந்துள்ளது. இலங்கையில் டிஜிட்டல் கொடுப்பனவுகளை செயற்படுத்தும் பிரதான செயற்பாட்டாளராக வளர்ச்சியடைந்துள்ளதுடன், உறுதியான வருடாந்த வளர்ச்சியை வழங்கி, வாடிக்கையாளர்கள் மற்றும் வியாபாரங்களுக்கு வலுவூட்டுகிறது. 

மொபிடெல் தயாரிப்பு சந்தைப்படுத்தல் சிரேஷ்ட பொது முகாமையாளரும், eChannelling PLC இன் பிரதம வணிக அதிகாரியுமான இசுரு திசாநாயக்க கருத்துத் தெரிவிக்கையில், “12 வருடங்களாக mCash இலங்கையின் டிஜிட்டல் கொடுப்பனவுகள் பயணத்தில் முன்னோடியாக அமைந்துள்ளது. எமது 12 வருட பூர்த்தி கொண்டாட்டங்களினால் mCash இன் சாதனைகள் உணர்த்தப்படுவதுடன், சமூகங்கள், வியாபாரங்கள் மற்றும் தேசத்துக்கு வலுவூட்டும் நோக்கம் பாதுகாப்பான, உள்ளடக்கமான மற்றும் புத்தாக்கமான நிதித் தீர்வுகளினூடாக மேற்கொள்ளப்படுவது உணர்த்தப்பட்டுள்ளது.” என்றார். 

mCash இல் பரந்தளவு மொபைல் money wallets, கட்டணப் பட்டியல் திரள்வு தீர்வுகள், சேகரிப்பு முகாமைத்துவ சேவைகள், LankaQR ஏற்றுக் கொள்ளல்கள், உள்வருகை பண அனுப்பல்கள், முகவர் வங்கியியல் மற்றும் பெறுமதி சேர் சேவைகளான முகவர் தீர்வு மற்றும் இணை-வர்த்தகநாமமிடப்பட்ட தீர்வுகள் போன்றன அடங்கியுள்ளன. நுண், சிறு நடுத்தரளவு தொழில்முயற்சியாண்மைகளுக்கும் குறைந்த வசதிகள் படைத்த சமூகங்களுக்கும் குறைந்த செலவிலமைந்த நிதிச் சேவைகள் உட்கட்டமைப்பை mCash வழங்கி, நிதிசார் உள்ளடக்கம் மற்றும் அணுகல் திறனில் தொடர்ந்தும் முன்னிலையாளராக திகழ்கிறது. 

கடந்த தசாப்த காலப்பகுதியில் mCash பல அங்கீகாரங்களையும் சாதனைகளையும் பெற்றுள்ளது. 2023-இல், ஆசிய ஃபின்டெக் அகடமி விருதுகளின் மூலம் இலங்கையில் டிஜிட்டல் கொடுப்பனவுகள் மற்றும் சேகரிப்புகளில் சிறப்பான கண்டுபிடிப்புகளுக்காக mCash விருது வழங்கப்பட்டது. மேலும் 2019-இல், மிகவும் பிரபலமான ஃபின்டெக் App ஆக இருந்தமைக்காக LankaPay Technovation விருதுகளில் வெள்ளி விருதைப் பெற்றது. அதே ஆண்டில், மதிப்புமிக்க SLIM வர்த்தக நாம சிறப்பு விருதுகளில் 'ஆண்டின் சிறந்த ஒன்லைன் வர்த்தக நாமம்' பிரிவில் தங்க விருதை mCash பெற்றது. இதற்கு முன்னர், 2017-இல், SLIM வர்த்தக நாம சிறப்பு விருதுகளில் 'ஆண்டின் சிறந்த ஒன்லைன் வர்த்தக நாமம்' பிரிவில் வெள்ளி விருதைப் பெற்று mCash அங்கீகரிக்கப்பட்டது. 

இந்த முக்கியத்துவம் வாய்ந்த சாதனைகளுக்கு அப்பால், mCash ஆனது 2022-இல் Brand Finance & LMD மூலம் இலங்கையின் மிகவும் விரும்பப்படும் FinTech வர்த்தக நாமங்களில் 3வது இடத்தையும் பெற்றுள்ளதுடன், மிகவும் புதுமையான டிஜிட்டல் நிதி தயாரிப்புக்கான சர்வதேச வர்த்தக சஞ்சிகை விருதை 2018-இல் பெற்றது என்பதன் மூலமும் அங்கீகரிக்கப்பட்டுள்ளது. 

வருங்காலத்தை நோக்குகையில், mCash இந்த மைல்கல்லைக் கொண்டாடுவதுடன், இலங்கையின் டிஜிட்டல் பொருளாதாரத்தை முன்னேற்றுவதற்கான தனது அர்ப்பணிப்பை மீண்டும் உறுதிப்படுத்துகிறது. எதிர்காலத் திட்டங்களில் B2B தீர்வுகளை (Business-to-Business solutions) விரிவாக்குதல், நிதி நிறுவனங்களுடனான கூட்டாண்மைகளை வலுப்படுத்துதல், மற்றும் வணிகங்கள் மற்றும் நுகர்வோரின் வளர்ந்து வரும் தேவைகளைப் பூர்த்தி செய்ய அடுத்த தலைமுறை ஃபிண்டெக் (FinTech) கண்டுபிடிப்புகளை அறிமுகப்படுத்துதல் ஆகியவை அடங்கும். 

மேலதிக தகவல்களுக்கு, பார்வையிடவும் www.sltmobitel.lk/mcash