SDB வங்கி தனது நீண்ட கால வளர்ச்சி, கூர்மையான செயற்பாடுகள், மற்றும் நிறுவனத்தின் வலுவான நெகிழ்திறன் ஆகியவற்றுக்கு உதவுகின்ற வகையில் தனது தலைமைத்துவ அதிகாரிகள் மட்டத்தை வலுப்படுத்தும் முயற்சிகளை தொடர்ந்தும் மேற்கொண்டு வரும் நிலையில், மற்றுமொரு முக்கியமான தலைமைத்துவ நியமனமாக, திரு. மனோஜ் அக்மீமன அவர்களை தனது பிரதி பிரதம நிறைவேற்று அதிகாரியாக நியமித்துள்ளது. 

நிதியியல் சேவைகள் துறையில் 35 ஆண்டுகளுக்கும் மேலான அனுபவத்துடன், தொழில்ரீதியாக அனுபவம் வாய்ந்த ஒரு வங்கியாளரான திரு. அக்மீமன அவர்கள், நிறுவன கடன் வழங்கல், கடன் நிர்வாகம், கடன் மீள் அறவீடு, சட்ட இணைப்பாடல், மற்றும் இடர் முகாமைத்துவம் போன்ற துறைகள் மத்தியில் ஆழமான அனுபவத்தைக் கொண்டுள்ளதுடன், மூலோபாய ரீதியான முன்னெடுப்புக்கள் மூலமாக வர்த்தக பரிணாம வளர்ச்சியை முன்னெடுப்பதில் சிறப்பான கடந்த கால வரலாற்றைக் கொண்டுள்ளார். நிலைபேணத்தக்க வங்கிச்சேவை பெறுபேற்றுத்திறன், நிர்வாகம், மற்றும் உறுதிப்பாடு ஆகியன சார்ந்த முக்கியமானதொரு விடயமாக காணப்படுகின்ற, நெருக்கடிக்கு உள்ளாகியுள்ள கடன் துறையை மறுசீரமைப்புச் செய்தல் மற்றும் தீர்த்து வைத்தல் அடங்கலாக, கட்டமைக்கப்பட்ட கடன் மேற்பார்வை மூலமாக கடன் துறைத் தரத்தை மேம்படுத்துவதில் அவர் கடந்தகாலத்தில் முக்கிய பங்கு வகித்துள்ளார். 

SDB வங்கியில் இணைந்து கொள்வதற்கு முன்பதாக சம்பத் வங்கியில் பல்வேறுபட்ட சிரேஷ்ட தலைமைத்துவப் பொறுப்புக்களை திரு. அக்மீமன அவர்கள் வகித்துள்ளார். கடன், இடர், மற்றும் செயல்பாட்டு மேற்பார்வை ஆகிய துறைகளில் சிக்கலான, உயர் தாக்கம் கொண்ட தொழிற்பாடுகளில் சிறப்பான பெறுபேறுகளை நிலைநாட்டி, அதன் மூலமாக நன்மதிப்பைச் சம்பாதித்துள்ளார். அங்கு கடைசியாக, சிரேஷ்ட பிரதிப் பொது முகாமையாளர் - கடன் கட்டுப்பாடு, கடன் நிர்வாகம், மீள் அறவீடுகள், மற்றும் சட்டம் என்ற பொறுப்பை அவர் வகித்துள்ளதுடன், கடன் ஒழுக்கத்தை வலுப்படுத்தல், பணிக் கட்டமைப்புக்களை மேம்படுத்தி, கண்காணித்தல், மற்றும் ஒழுங்குமுறை, உள்ளக கொள்கைத் தேவைப்பாடுகளுக்கு இணங்குவதை உறுதி செய்தல் ஆகிய செயற்பாடுகளுக்கு பொறுப்பான அணிகளுக்கு தலைமை தாங்கியுள்ளார். தீர்மானம்மிக்க தலைமைத்துவம் மற்றும் பல்வேறு செயற்பாடுகளுக்கு இடையிலான இணைப்பாடல் ஆகியவற்றுக்குத் தேவையான சூழல்களில், மூலோபாய சிந்தனை மற்றும் நேரடி மேற்பார்வையின் கீழான நடவடிக்கை ஆகியவற்றை சிறப்பாக இணைத்திருந்தமைக்காக அவர் தனது தொழில் வாழ்வில் தொடர்ச்சியாக அங்கீகாரங்களைச் சம்பாதித்து வந்துள்ளார். 

இலாபத்திறனை மேம்படுத்துகின்ற, செயல்பாட்டு வினைதிறனை மேம்படுத்துகின்ற, மற்றும் இணக்கப்பாட்டு தராதரங்களை உறுதிப்படுத்துகின்ற நிதியியல் மூலோபாயங்களை வகுத்து, அவற்றை நடைமுறைப்படுத்துவதில் திரு. அக்மீமன பரந்தளவில் அங்கீகாரத்தைச் சம்பாதித்துள்ளார். தொடர்புபட்ட அனைத்து தரப்பினர் மத்தியிலும் வலுவான ஈடுபாட்டு ஆற்றல்களை அவர் வெளிப்படுத்தியுள்ளதுடன், சிக்கலான செயல்பாட்டு சூழ்நிலைகளின் மத்தியில் பல்வேறு பணிப் பொறுப்பு அணிகளுக்கு தலைமை தாங்கி அவற்றை வழிநடாத்தும் ஆற்றலையும் காண்பித்துள்ள அதேசமயம், வலுவான கடன் மற்றும் இடர் அடிப்படைகளை மையமாகக் கொண்ட வளர்ச்சி மூலோபாயங்களை நடைமுறைப்படுத்துவதிலும் சிறப்பான தலைமைத்துவத்தை நிரூபித்துள்ளார். 

திரு. அக்மீமன அவர்கள் தனது புதிய பொறுப்பின் கீழ் மூலோபாயரீதியான முன்னுரிமைகளை முன்னெடுத்து, நிறுவன வாரியான பெறுபேற்றுத்திறனை வலுப்படுத்தி, மற்றும் இன்னும் சிறப்பான அளவில் சுறுசுறுப்பான, எதிர்காலத்திற்கு முகங்கொடுப்பதற்குத் தயாரான நிறுவனத்தைக் கட்டியெழுப்பும் நோக்குடனான முயற்சிகளை முன்னெடுத்துச் செல்வதில் SDB வங்கியின் தலைமைத்துவ அணிக்கு ஆதரவளிப்பார். SDB வங்கி வலுவான நிர்வாகம் மற்றும் இடர் முகாமைத்துவ கட்டமைப்புக்களைப் பேணும் அதேசமயம், தனது பரிணாம மாற்றத்திற்கான நிகழ்ச்சிநிரலை விரைவுபடுத்தும் நிலையில், அவருடைய ஆழமான அனுபவம் இதற்கு கணிசமான மதிப்பைச் சேர்க்கும் என எதிர்பார்க்கப்படுகின்றது. 

நிலைபேணத்தக்க வளர்ச்சி மற்றும் நீண்ட கால மதிப்பைத் தோற்றுவித்தல் ஆகியவற்றுக்கு சிறப்பாகப் பங்களிக்கக்கூடிய, அனுபவம் மிக்க வல்லுனர்களை தனது தலைமைத்துவ அணியில் நியமிப்பதில் SDB வங்கி காண்பித்து வரும் அர்ப்பணிப்பை இந்நியமனம் பிரதிபலிக்கின்றது. வாடிக்கையாளர்களுக்கும் மற்றும் தொடர்புபட்ட அனைத்து தரப்பினருக்கும் வலுவான பலாபலன்களை வழங்குவதில் நிறுவனத்தின் ஆற்றலை வங்கி தொடர்ந்தும் வலுப்படுத்தி வருகின்ற நிலையில், திரு. அக்மீமன அவர்களுடன் நெருக்கமாக இணைந்து செயற்படுவதை ஆவலுடன் எதிர்பார்த்துள்ளது. 

SDB வங்கி குறித்த விபரங்கள்: 

ஒவ்வொருவரினதும் தேவைகளுக்கேற்ப வடிவமைக்கப்பட்ட, வாடிக்கையாளரை மையப்படுத்திய மற்றும் விரிவான ஆதரவை வழங்குவதில் அர்ப்பணிப்புடன் உள்ள, எதிர்காலத்திற்கு முகங்கொடுக்கத் தயாராகவுள்ள வங்கியான SDB வங்கி, கொழும்பு பங்குச் சந்தையின் பிரதான சபையில் நிரற்படுத்தலுடன், இலங்கை மத்திய வங்கியின் ஒழுங்குமுறைக்கு உட்பட்ட, அனுமதி உரிமம் பெற்ற விசேட வங்கியாகத் திகழ்வதுடன், BB +(lka) என்ற Fitch Rating கடன் தர மதிப்பீட்டையும் கொண்டுள்ளது. நாடளாவியரீதியிலுள்ள 94 கிளைகளின் வலையமைப்பினூடாக, நாடெங்கிலுமுள்ள தனது தனிநபர், சிறிய மற்றும் நடுத்தர அளவிலான தொழில் முயற்சிகள், கூட்டுறவு, மற்றும் வர்த்தக வங்கிச்சேவை வாடிக்கையாளர்களுக்கு விரிவான நிதிச் சேவைகளை இவ்வங்கி வழங்கி வருகின்றது. சூழல், சமூகம், மற்றும் நிர்வாக ஆட்சி (Environmental, Social, and Governance - ESG) கோட்பாடுகள் SDB வங்கியின் பண்பாடுகளில் ஆழமாக உட்பொதிந்துள்ளதுடன், நிலைபேற்றியல் கொண்ட நடைமுறைகள் மூலமாக உள்ளூர் சமூகங்கள் மற்றும் வர்த்தகங்களை மேம்படுத்துவதில் மிகவுறுதியான கவனம் செலுத்தியுள்ளது. இலங்கையை புதிய உச்சங்களுக்கு இட்டுச்செல்லும் நோக்குடன், குறிப்பாக பெண்களுக்கு வலுவூட்டல், சிறிய மற்றும் நடுத்தர அளவிலான தொழில் முயற்சிகளின் நிலைபேணத்தக்க அபிவிருத்தி, மற்றும் டிஜிட்டல் ரீதியாக அனைவரையும் அரவணைத்து வாய்ப்பளித்தல் ஆகியவற்றில் இவ்வங்கி அர்ப்பணிப்புடன் உழைத்து வருகின்றது.