சிங்கப்பூரின் மவுண்ட் எலிசபெத் மருத்துவமனையுடன் இணைந்து, இருதயம் சார்ந்த விடயங்கள் (Matters of the Heart) என்ற தலைப்பில் பிரத்தியேக வாழ்க்கை முறை அமர்வொன்றை 2026 ஜனவரி 17 அன்று DFCC வங்கி Pinnacle மையத்தில், DFCC Pinnacle நடத்தியுள்ளது. 

இந்த அமர்வை உலகப் புகழ்பெற்ற இருதய-மார்பு சத்திர சிகிச்சை நிபுணர் வைத்தியர் சிவதாசன் குமாரசாமி அவர்களின் வழிநடத்தலின் படி நடைபெற்றது. இருதய நோய்கள்: என்ன, எப்போது, ஏன் (Cardiovascular Diseases: What, When, and Why) என்ற தலைப்பில் ஆழமான அறிவுப்பகிர்வு விளக்கவுரையை வழங்கினார். இருதய ஆரோக்கியம் குறித்த விழிப்புணர்வை ஏற்படுத்தவும், இருதயம் தொடர்பான சாத்தியமான அபாயங்களை அடையாளம் காணுதல், தடுத்தல் மற்றும் நிர்வகித்தல் குறித்த ஆழமான அறிவை வழங்கும் முயற்சி இந்த அமர்வினூடாக முன்னெடுக்கப்பட்டது. 

DFCC Pinnacle வாடிக்கையாளர்களுக்காக பிரத்தியேகமாக நடத்தப்பட்ட இந்த நிகழ்வு, சர்வதேச அளவில் அங்கீகரிக்கப்பட்ட மருத்துவ நிபுணத்துவத்தைப் பெற்றுக்கொள்ளும் அதே வேளையில், உயர்மட்ட வாழ்வியல் அனுபவங்களை வழங்குவதில் வங்கியின் தொடர்ச்சியான அர்ப்பணிப்பை அடிக்கோடிட்டுக் காட்டியுள்ளது. 

DFCC வங்கி குறித்த விபரங்கள் 

1955 ம் ஆண்டில் நிறுவப்பட்ட DFCC வங்கி பிஎல்சி, 1956 முதல் கொழும்பு பங்குப் பரிவர்த்தனைச் சந்தையில் நிரற்படுத்தப்பட்டுள்ளதுடன், இலங்கையின் முன்னணி நிதி நிறுவனங்களில் ஒன்றாகத் திகழ்ந்து வருகின்றது. இலங்கை மத்திய வங்கியின் ஒழுங்குமுறையின் கீழ் இயங்குவதுடன், Fitch Ratings இடமிருந்து A (lka) தரப்படுத்தலையும் பெற்றுள்ள இவ்வங்கி, திறைசேரி, முதலீடு மற்றும் வாணிபக் கடன் தீர்வுகளுடன் சேர்த்து, தனிநபர், வர்த்தக, சிறிய மற்றும் நடுத்தர அளவிலான தொழில் முயற்சிகளுக்கான விரிவான வங்கிச்சேவைகள் அனைத்தையும் வழங்கி வருகின்றது. 

வாடிக்கையாளர்களை மையப்படுத்தியும் மற்றும் நிலைபேணத்தக்க புத்தாக்கத்தை அடிப்படையாகவும் கொண்டு, DFCC MySpace போன்ற டிஜிட்டல் தளங்கள், 133 கிளைகளைக் கொண்ட வலையமைப்பு மற்றும் LankaPay வலையமைப்பிலுள்ள 6,000 க்கும் மேற்பட்ட ATM மையங்கள் ஆகியவற்றை உள்ளடக்கி, இடைவிடாத மற்றும் பாதுகாப்பான வங்கிச்சேவை அனுபவத்தை DFCC வங்கி வழங்கி வருகின்றது. 

நிலைபேற்றியல் சார்ந்த முயற்சிகளுக்கான கடன் மற்றும் புதுப்பிக்கத்தக்க எரிசக்தி முயற்சிகள் ஆகியவற்றுக்காக அங்கீகாரத்தைச் சம்பாதித்து, இவை தொடர்பில் முன்னிலை வகிக்கும் நிறுவனமாகத் திகழ்ந்து வரும் DFCC வங்கி, சூழல் மீதான தாக்கங்களைக் குறைத்து, நீண்ட கால அடிப்படையில் பொருளாதார நெகிழ்திறனை வளர்ப்பதில் அர்ப்பணிப்புடன் செயல்படுகின்றது.