SLT‑MOBITEL மொபைல், Fintelex (Pvt) Ltd, உடன் இணைந்து ‘Yaya Agro’ எனும் பிரத்தியேகமான சர்வாம்சங்களையும் உள்ளடக்கிய ஸ்மார்ட் விவசாய app ஐ அறிமுகம் செய்துள்ளது. இலங்கையின் விவசாயிகளுக்கு அவசியமான தொழில்னுட்ப உதவிகளை வழங்கி, தமது விவசாய செயற்பாடுகளை மதிநுட்பமாகவும், பாதுகாப்பாகவும் நிலைபேறான வகையிலும் முன்னெடுக்க வலுவூட்டுவதாக இந்த அறிமுகம் அமைந்துள்ளது. 

இலங்கையின் டிஜிட்டல் விவசாயத்தில் ஒரு புதிய யுகத்தைப் பிரதிபலிக்கும் Yaya Agro, தொழில்நுட்பம், நிபுணத்துவ அறிவு மற்றும் சமூக வலுவூட்டல் ஆகியவற்றை ஒன்றிணைக்கிறது. இது விவசாயிகள் புத்திசாலித்தனமான முடிவுகளை எடுக்கவும், உற்பத்தித்திறனை அதிகரிக்கவும் மற்றும் ஒரு நிலையான எதிர்காலத்தைக் கட்டியெழுப்பவும் தேவையான தன்னம்பிக்கையை வழங்குகிறது. 

GIZ மற்றும் Hatch ஆகியவற்றின் ஆதரவுடன் உருவாக்கப்பட்டுள்ள Yaya Agro, கொழும்பு பல்கலைக்கழகம், விவசாயத் தொழில்நுட்பம் மற்றும் Institute for Agrotechnology and Rural Sciences மற்றும் இலங்கை செஞ்சிலுவைச் சங்கம் உள்ளிட்ட முன்னணி கல்வி மற்றும் தொழில்முறை நிறுவனங்களால் அங்கீகரிக்கப்பட்டுள்ளது. இது விவசாய நிபுணத்துவம், நிகழ்நேர வானிலை அறிவிப்புகள், முதலுதவி ஆதரவு மற்றும் செயற்கை நுண்ணறிவு (AI) உதவியாளர் ஆகியவற்றை ஒருங்கிணைத்து, எளிதில் பயன்படுத்தக்கூடிய ஒரே தளமாக வழங்குகிறது. 

Yaya Agro app இன் இந்த அறிமுகமானது, SLT-MOBITEL நிறுவனத்தை ஒரு புதுமையான, அனைவரையும் உள்ளடக்கிய மற்றும் ஒருங்கிணைந்த தொழில்நுட்பத் தலைவராக முன்னிலைப்படுத்துகிறது. கல்வி நிறுவனங்கள் மற்றும் தொழில்நுட்பக் கூட்டாளர்களுடன் இணைந்து செயல்படுவதன் மூலம், தனது தொலைத்தொடர்புத் துறைக்கு அப்பால் விவசாயத் துறையிலும் கால்பதித்துள்ள இந்நிறுவனம்; செயற்கை நுண்ணறிவு (AI) கருவிகள், பன்மொழி அணுகல் மற்றும் சந்தை இணைப்பு ஆகியவற்றின் மூலம் விவசாயிகளுக்கு அதிகாரமளிக்கிறது. இந்த முயற்சியானது, இலங்கையின் டிஜிட்டல் வலுவூட்டல் மற்றும் நிலையான வளர்ச்சிக்கான ஒரு முன்னோடியாக SLT-MOBITEL-இன் நற்பெயரை மேலும் உறுதிப்படுத்துகிறது. 

ஒரு முழுமையான டிஜிட்டல் உதவியாளராகச் செயல்படும் Yaya Agro, துல்லியமான விவசாயம், நிகழ்நேர ஆதரவு மற்றும் சந்தை அணுகல் ஆகியவற்றை ஒவ்வொரு இலங்கை விவசாயியின் விரல் நுனிக்கும் கொண்டு வரும் ஒரு டிஜிட்டல் விவசாயத் தோழனாக முன்னிலைப்படுத்தப்படுகிறது. சிறிய வீட்டுத் தோட்டம் முதல் பெரிய அளவிலான வணிக ரீதியான பண்ணைகள் வரை, எதனை நிர்வகிப்பவர்களுக்கும் பயிர் விளைச்சலை மேம்படுத்தவும், இடர்களைக் குறைக்கவும் மற்றும் ஒருங்கிணைந்த ஒன்லைன் சந்தைப்பகுதி மூலம் நேரடியாகக் கொள்வனவு செய்பவர்களுடன் தொடர்புகொள்ளவும் தேவையான முக்கியத் தகவல்களை இந்த app வழங்குகிறது. 

Yaya Agro app, பயிர் மேலாண்மை, பூச்சிக் கட்டுப்பாடு மற்றும் சிறந்த விவசாய நடைமுறைகள் குறித்த நிபுணத்துவ ஆலோசனைகளை விவசாயிகளுக்கு தினசரி வழங்குகிறது. இந்தத் தகவல்கள் அனைத்தும் கொழும்பு பல்கலைக்கழகத்தினால் சரிபார்க்கப்பட்டவை என்பது குறிப்பிடத்தக்கது. 

மேலும், விவசாய நடவடிக்கைகளை மிகவும் திறம்பட திட்டமிட உதவும் வகையில், துல்லியமான மற்றும் இருப்பிடம் சார்ந்த வானிலை முன்னறிவிப்புகளையும் இது வழங்குகிறது. அத்துடன், அவசர காலங்களில் விவசாயிகள் தங்களைத் தயார்படுத்திக் கொள்வதை உறுதி செய்யும் வகையில், இலங்கை செஞ்சிலுவைச் சங்கத்தினால் அங்கீகரிக்கப்பட்ட உயிர் காக்கும் முதலுதவிப் பயிற்சிகள் மற்றும் பாதுகாப்புத் தகவல்களையும் இந்த app வழங்குகிறது. இதன் AI chatbot உதவியாளர் மூலம், விவசாயிகள் 24 மணிநேரமும் உடனடி மற்றும் தனிப்பயனாக்கப்பட்ட ஆலோசனைகளைப் பெற முடியும். அத்தோடு, பயிர்ச் சுழற்சிகளுக்கு ஏற்ப சரியான நேரத்தில் எச்சரிக்கைகள் மற்றும் நினைவூட்டல்களை வழங்கும் ஸ்மார்ட் அறிவிப்பு வசதியும் இதில் உள்ளது. 

கற்றலை உள்ளடக்கியதாகவும் அனைவராலும் அணுகக்கூடியதாகவும் மாற்றுவதற்காக, Yaya Agro app சிங்களம், தமிழ் மற்றும் ஆங்கிலம் ஆகிய மொழிகளில் கிடைக்கிறது. இது வீடியோக்கள், குரல் வழிகாட்டிகள் மற்றும் தகவல் வரைபடங்கள் போன்ற ஊடாடும் கல்வி உள்ளடக்கங்களை வழங்குகிறது. மேலும், GIZ மற்றும் Hatch ஆகிய நிறுவனங்களுடன் இணைந்து உருவாக்கப்பட்ட ஒன்லைன் சந்தை வாய்ப்பையும் இந்த app ஒருங்கிணைக்கிறது. இது விவசாயிகள் நேரடியாகக் கொள்வனவு செய்பவர்களுடன் தொடர்புகொள்வதற்கும், தங்களது சந்தை வாய்ப்புகளை விரிவுபடுத்துவதற்கும் வழிவகை செய்கிறது.