2026 டி20 உலகக் கிண்ணக் கிரிக்கெட் தொடரில் அவுஸ்திரேலியா மற்றும் சிம்பாப்வே அணிகளுக்கு இடையில் இன்று (13) இடம்பெற்ற போட்டியில் சிம்பாப்வே அணி 27 ஓட்டங்களால் வெற்றி பெற்றது. 

கொழும்பு ஆர். பிரேமதாச மைதானதில் இடம்பெறும் இப்போட்டியில் நாணயச் சுழற்சியில் வெற்றி பெற்ற அவுஸ்திரேலியா அணி முதலில் களத்தடுப்பில் ஈடுபட தீர்மானித்தது. 

இதன்படி முதலில் துடுப்பெடுத்தாடிய சிம்பாப்வே அணி நிர்ணயிக்கப்பட்ட 20 ஓவர்களில் 02 விக்கெட்டுக்களை இழப்பிற்கு 169 ஓட்டங்களை பெற்றுக் கொண்டது. 

சிம்பாப்வே அணி சார்பில் பிரையன் பென்னட் அதிகபட்சமாக 64 ஓட்டங்களை பெற்றார். 

அவுஸ்திரேலியா அணி சார்பாகப் பந்துவீச்சில் மார்கஸ் ஸ்டோய்னிஸ் மற்றும் கேமரன் கிரீன் தலா 1 விக்கெட்டுக்கள் வீதம் வீழ்த்தினார். 

இதன்படி, 170 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய அவுஸ்திரேலியா அணி 19.3 ஓவர்களில் அனைத்து விக்கெட்டுகளையும் இழந்து 146 ஓட்டங்களை மாத்திரமே பெற்றது. 

அவுஸ்திரேலியா அணி சார்பில் மேட் ரென்ஷா அதிகபட்சமாக 65 ஓட்டங்களை பெற்றார். 

சிம்பாப்வே அணி சார்பாகப் பந்துவீச்சில் முசரபானிக்கு ஆசி 4 விக்கெட்டுக்களை வீழ்த்தினர்.