2026 டி-20 உலகக் கிண்ணக் கிரிக்கெட் தொடரில் ஓமான் அணிக்கு எதிரான போட்டியில் அயர்லாந்து அணி 96 ஓட்டங்களால் வெற்றிப்பெற்றுள்ளது. 

கொழும்பு எஸ்.எஸ்.சி மைதானத்தில் இடம்பெற்ற இந்த போட்டியில் நாணய சுழற்சியில் வெற்றிப்பெற்ற ஓமான் அணி முதலில் களத்தடுப்பில் ஈடுபட தீர்மானித்தது. 

இதன்படி முதலில் துடுப்பெடுத்தாடிய அயர்லாந்து அணி 20 ஓவர்கள் நிறைவில் 05 விக்கெட்டுக்களை இழந்து 235 ஓட்டங்களை பெற்றது. 

துடுப்பாட்டத்தில் அந்த அணி சார்பில் அணித்தலைவர் Lorcan Tucker ஆட்டமிழக்காமல் 94 ஓட்டங்களையும், Gareth Delany 56 ஓட்டங்களையும் பெற்றுக்கொடுத்தனர். 

பந்து வீச்சில் ஓமான் அணி சார்பில் Shakeel Ahmed 03 விக்கெட்டுக்களை வீழ்த்தினார். 

பின்னர் 236 ஓட்டங்கள் என்ற வெற்றி இலக்கை நோக்கி பதிலுக்கு துடுப்பெடுத்தாடிய ஓமான் அணி 18 ஓவர்கள் நிறைவில் சகல விக்கெட்டுக்களையும் இழந்து 139 ஓட்டங்களை பெற்று தோல்வியடைந்தது. 

துடுப்பாட்டத்தில் அந்த அணி சார்பில் Aamir Kaleem 50 ஓட்டங்களையும், Hammad Mirza 46 ஓட்டங்களையும் பெற்றுக்கொடுத்தனர். 

பந்து வீச்சில் அயர்லாந்து அணி சார்பில் Josh Little 03 விக்கெட்டுக்களையும், Matthew Humphreys மற்றும் Barry McCarthy ஆகியோர் தலா இரண்டு விக்கெட்டுக்களை வீழ்த்தினர்.