ரீ-ரிலீஸ் படங்களுக்கு சமீபகாலமாக ரசிகர்கள் மத்தியில் அமோக வரவேற்பு கிடைத்து வருகிறது. கடந்த வாரம் மௌனம் பேசியது, காதலர் தினம், மின்னலே ஆகிய படங்கள் ரீ-ரிலீஸ் ஆனது. 

இதை தொடர்ந்து வருகிற பிப்ரவரி 20 ஆம் திகதி இன்னும் பல பிளாக்பஸ்டர் படங்களை ரீ-ரிலீஸ் செய்யவுள்ளனர். 

விஜய்யின் கில்லி படம் கடந்த 2024 ஆம் ஆண்டு ரீ-ரிலீஸ் செய்யப்பட்ட நிலையில், மீண்டும் வருகின்ற 20 ஆம் திகதி ரீ-ரிலீஸ் செய்கின்றனர். மேலும் அஜித்தின் துணிவு படமும் ரீ-ரிலீஸ் ஆகிறது. 

இதுமட்டுமின்றி, விஜய் சேதுபதியின் சூது கவ்வும் படம் 13 ஆண்டுகள் கழித்து ரீ-ரிலீஸ் செய்யப்படுகிறது. இந்த நிலையில், ரீ-ரிலீஸ் ஆகவுள்ள கில்லி மற்றும் துணிவு ஆகிய படங்களின் ப்ரீ புக்கிங் தொடங்கியுள்ளது. 

இதில், இதுவரை நடைபெற்ற ப்ரீ புக்கிங்கில் கில்லி ரூ. 3 லட்சமும், துணிவு ரூ. 1.5 லட்சமும் வசூலித்துள்ளது.