டி20 உலகக் கிண்ணத்தில் 'B' பிரிவில் இலங்கை, அவுஸ்திரேலியா, சிம்பாப்வே, அயர்லாந்து, ஓமன் அணிகள் இடம் பிடித்துள்ளன. இலங்கை 3 போட்டிகளில் வெற்றி பெற்று சூப்பர் 8 சுற்றுக்கு முன்னெறியுள்ளது. 

சிம்பாப்வே இரண்டு போட்டிகளில் வெற்றி பெற்றுள்ளது. சிம்பாப்வேயிடம் அவுஸ்திரேலியா தோல்வியடைந்ததால் 3 போட்டிகளில் 2 இல் தோல்வியை சந்தித்துள்ளது. மீதம் உள்ள ஒரு போட்டியில் ஓமனுடன் மோதவுள்ளது. 

இந்நிலையில் இன்று (17) மதியம் சிம்பாப்வே - அயர்லாந்து இடையிலான போட்டி இலங்கையில் உள்ள பல்லேகலேயில் நடைபெற இருந்தது. இந்த போட்டி மழையினால் இன்னும் ஆரம்பமாகவில்லை. 

இந்த போட்டியில் சிம்பாப்வே தோல்வியடைந்தால்தான் அவுஸ்திரேலியாவுக்கு சூப்பர் 8 சுற்றுக்கு முன்னேற சிறிய அளவில் வாய்ப்பு. அடுத்த போட்டியில் இலங்கையிடம் சிம்பாப்வே தோல்வியடைய வேண்டும். 

ஆனால் தற்போது மழை பெய்து வரும் நிலையில் போட்டி இரத்து செய்யப்பட்டால் ஜிம்பாப்வே ஒரு புள்ளி பெற்று, இரண்டு வெற்றி, ஒரு முடிவு இல்லை என்பதன் மூலம் சூப்பர் 8 சுற்றுக்கு முன்னேறிவிடும். அவுஸ்திரேலியா அதிகாரப்பூர்வமாக சூப்பர் 8 சுற்றுக்கான வாய்ப்பை இழந்துவிடும்.