டி20 உலகக் கிண்ண 2026 தொடர் இந்தியா மற்றும் இலங்கையில் நடைபெற்று வருகிறது. இந்தத் தொடரின் 35 ஆவது லீக் போட்டியில் பாகிஸ்தான் மற்றும் நமீபியா அணிகள் மோதுகிறது. இந்தப் போட்டியில் நாணய சுழற்சியில் வென்ற பாகிஸ்தான் அணி முதலில் துடுப்பாட்டத்தை தேர்வு செய்தது. 

அதன்படி முதலில் துடுப்பெடுத்தாடிய பாகிஸ்தான் அணி 20 ஓவர் முடிவில் 03 விக்கெட்டுகளை இழந்து 199 ஓட்டங்களை பெற்றது. அதிகபட்சமாக பர்ஹான் 100 ஓட்டங்களை பெற்றார். 

இதன்மூலம் டி20 உலகக் கிண்ண கிரிக்கெட் வரலாற்றில் சதம் அடித்த 2 ஆவது பாகிஸ்தான் வீரர் என்ற சாதனையை பர்ஹான் படைத்துள்ளார். இவருக்கு முன்னதாக பங்களாதேஷிற்கு எதிராக அகமது ஷெஹ்சாத் சதம் விளாசி இருந்தார். 

மேலும் டி20 உலகக் கிண்ணத்தில் சதம் விளாசிய ஆசிய வீரர்களில் இவர் 6 ஆவது வீரராகவும் சாதனை படைத்துள்ளார். இதற்கு முன்னதாக பங்களாதேஷ் அணியை சேர்ந்த தமீம் இக்பால், பாகிஸ்தானை சேர்ந்த அகமது ஷெஹ்சாத், இலங்கையை சேர்ந்த ஜயவர்த்தன, இந்தியாவை சேர்ந்த சுரேஷ் ரெய்னா, இலங்கையை சேர்ந்த பெத்தும் நிஸ்ஸங்க ஆகியோர் சாதனை பட்டியலில் உள்ளனர்.