2026 ஐசிசி ஆடவர் டி20 உலகக் கிண்ணத் தொடரில் இன்று (19) இலங்கை மற்றும் சிம்பாப்வே அணிகள் பலப்பரீட்சை நடத்துகின்றன. 

கொழும்பு ஆர். பிரேமதாச மைதானத்தில் இடம்பெறும் இப்போட்டியில், நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாடத் தீர்மானித்தது. 

இதன்படி முதலில் துடுப்பாடிய இலங்கை அணி நிர்ணயிக்கப்பட்ட 20 ஓவர்களில் 7 விக்கெட்டுக்களை இழந்து 178 ஓட்டங்களை பெற்றுக் கொண்டது. 

இலங்கை அணி சார்பில் துடுப்பாட்டத்தில் பெத்தும் நிஸ்ஸங்க 62 ஓட்டங்களையும், பவன் ரத்நாயக்க 44 ஓட்டங்களையும், குஷல் பெரேரா 22 ஓட்டங்களையும், குஷல் மெண்டிஸ் 14 ஓட்டங்களையும் அதிகபட்சமாக பெற்றுக் கொடுத்தனர். 

அதற்கமைய 179 என்ற வெற்றியிலக்கை நோக்கி சிம்பாப்வே அணி துடுப்பெடுத்தாடவுள்ளது.