Mar 25, 2026 - 06:10 PM -
0
ஐபிஎல் 2026 தொடர் இன்னும் இரண்டு நாட்களில் தொடங்கவுள்ளது. 2025 சாம்பியனான ராயல் சேலஞ்சர்ஸ் பெங்களூரு மற்றும் சன்ரைசர்ஸ் ஹைதராபாத் இடையேயான முதல் போட்டி பெங்களூரு சின்னசாமி மைதானத்தில் நடைபெறவிருக்கும் நிலையில், முன்னாள் இங்கிலாந்து அணி தலைவர் மைக்கேல் வாஹன் இந்த ஆண்டு கிண்ணத்தை வெல்லும் அணி குறித்து ஒரு கணிப்பை வெளியிட்டுள்ளார்.
வாஹன் தனது ட்விட்டர் பக்கத்தில், இந்த ஆண்டு ஐபிஎல் கிண்ணத்தை வெல்லப்போவது ஒரே ஒரு அணிதான், அது மும்பை இந்தியன்ஸ் என்று குறிப்பிட்டிருந்தார். ஐபிஎல் வரலாற்றில், மும்பை இந்தியன்ஸ் மிக வெற்றிகரமான அணிகளில் ஒன்றாகும். அம்பானிக்குச் சொந்தமான மும்பை அணி, ரோஹித் சர்மாவின் தலைமையில் ஐந்து முறை லீக் கிண்ணத்தை வென்றுள்ளது.
எனினும், அவர்களின் கடைசி வெற்றி 2020 ஆம் ஆண்டில் நடந்தது. கடந்த சீசனில் மும்பை இந்தியன்ஸ் முதல் நான்கு இடங்களுக்குள் வந்தது. குஜராத் டைட்டன்ஸை எலிமினேட்டர் போட்டியில் தோற்கடித்த போதும், இரண்டாவது குவாலிஃபையரில் பஞ்சாப் கிங்ஸ் அணிக்கு எதிராக 200 ஓட்டங்களுக்கு மேல் எடுத்தும் தோல்வி அடைந்தது.
முன்னாள் சிஎஸ்கே வீரர் கணிப்பு இந்த ஆண்டு ஐபிஎல் தொடரில் ஹர்திக் பாண்டியா மீண்டும் மும்பை இந்தியன்ஸை வழிநடத்தவுள்ளார். 2022 ஆம் ஆண்டில் குஜராத் டைட்டன்ஸுக்குக் கிண்ணத்தை வென்ற ஹர்திக், 2024 ஐபிஎல்லுக்கு முன் வர்த்தக ஒப்பந்தம் மூலம் மும்பை இந்தியன்ஸுக்குத் திரும்பினார்.
பாண்டியா இந்த ஆண்டு அவர்களுக்கு முக்கிய வீரராக இருப்பார். பாண்டியா தவிர, ரோஹித் ஷர்மா மற்றும் ஜஸ்பிரித் பும்ரா மீதும் மும்பை இந்தியன்ஸ் அதிக எதிர்பார்ப்பு வைத்துள்ளது.
சமீபத்திய 'Stick To Cricket' போட்காஸ்டில், ஐபிஎல் 2026 கிண்ணத்தை வெல்லும் அணி குறித்து வான் கேள்வி எழுப்ப, அவரே, "நான் முதலில் பெயரைச் சொல்கிறேன். மும்பை இந்தியன்ஸ் இந்த ஆண்டு வெல்லும். அவர்கள் சில ஆண்டுகளாக வெல்லவில்லை. அவர்களுக்கு அற்புதமான அணி உள்ளது," எனப் பதிலளித்தார்.
அதே நிகழ்ச்சியில், முன்னாள் இங்கிலாந்து அணி தலைவர் அலாஸ்டர் குக், RCB தனது பட்டத்தைத் தக்க வைத்துக் கொள்ளும் என்று ஆதரவு தெரிவித்தார். "நான் RCB-க்கு ஆதரவாக இருக்கிறேன், அவர்கள் தொடர்ந்து வெல்வார்கள். நான் ஃபிளவரை நம்புகிறேன்," என்றார் குக்.
இதுவரை நடந்த 18 ஐபிஎல் சீசன்களில், சென்னை சூப்பர் கிங்ஸ் மற்றும் மும்பை இந்தியன்ஸ் ஆகிய இரண்டு அணிகள் மட்டுமே தங்களது பட்டத்தைத் தொடர்ந்து தக்கவைத்துக்கொண்டுள்ளன. இந்த ஆண்டு RCB இந்த சிறப்புப் பட்டியலில் சேருமா என்பது மிகுந்த எதிர்பார்ப்பை ஏற்படுத்தியுள்ளது.
