சென்னை அணி தனது முதல் லீக் போட்டியில் ராஜஸ்தான் அணியை எதிர்கொள்ளும் நிலையில், காயம் காரணமாக தோனி விளையாடாத நிலையில் மற்றொரு சிக்கல் எழுந்துள்ளது. 

அசாம், கவுஹாத்தியில் இன்று இரவு 7.30 மணிக்கு நடைபெறும் ஐபிஎல் லீக் ஆட்டத்தில் சென்னை, ராஜஸ்தான் அணிகள் மோதுகின்றன. இதில் கடந்த முறை ராஜஸ்தானுக்காக விளையாடிய சஞ்சு சாம்சன், சென்னை அணிக்காக களம் இறங்கவுள்ளார். 

அதேபோல, சென்னை அணிக்காக விளையாடி வந்த ரவிந்திர ஜடேஜா, ராஜஸ்தான் அணிக்கு திரும்பியுள்ளார். இருவரும் அணிமாறிய நிலையில், இன்று (30) நடைபெறும் போட்டியில் நேருக்கு நேர் மோதுகின்றனர். 

இதனிடையே, காலில் ஏற்பட்ட தசை பிடிப்பு காரணமாக 2 வாரங்களுக்கு தோனி விளையாட மாட்டார் என அறிவிக்கப்பட்டதால் சிஎஸ்கே ரசிகர்கள் அதிர்ச்சி அடைந்துள்ளனர். 

அதேபோல, காயம் காரணமாக டெவால்ட் பிரேவிஸும் இந்த போட்டியில் விளையாடவில்லை. இந்நிலையில், சிஎஸ்கே முதல் போட்டியிலேயே வெற்றி கணக்கை தொடங்குமா என்ற எதிர்பார்ப்பு எழுந்துள்ளது.