2026 ஐ.பி.எல். டி20 கிரிக்கெட் தொடரில் 14 ஆவது போட்டியில் டெல்லி கேபிட்டல்ஸ் மற்றும் குஜராத் டைட்டன்ஸ் அணிகளுக்கு இடையிலான போட்டியில் குஜராத் டைட்டன்ஸ் அணி 1 ஓட்டங்களால் வெற்றி பெற்றது. 

டெல்லியில் நடைபெற்ற இந்தப் போட்டியில் நாணய சுழற்சியில் வென்ற டெல்லி அணி முதலில் பந்துவீச்சு தேர்வு செய்தது. 

அதன்படி, முதலில் துடுப்பெடுத்தாடிய குஜராத் அணி 20 ஓவர்கள் நிறைவில் 4 விக்கெட்டுகள் இழப்பிற்கு 210 ஓட்டங்களை பெற்றது. 

துடுப்பாட்டத்தில் குஜராத் அணி சார்பில் அதிகபட்சமாக அணியின் தலைவர் சுப்மன் கில் 70 ஓட்டங்களை பெற்றார். 

பந்து வீச்சில் டெல்லி அணி சார்பில் முகேஷ் குமார் 2 விக்கெட்டுகளையும், நிகிடி மற்றும் குல்தீப் யாதவ் தலா 1 விக்கெட் வீழ்த்தினர். 

211 என்ற வெற்றி இலக்கை நோக்கி பதிலுக்கு துடுப்பெடுத்தாடிய டெல்லி அணி 20 ஓவர்கள் நிறைவில் 8 விக்கெட்டுகள் இழப்பிற்கு 209 ஓட்டங்களையே பெற்றது. 

துடுப்பாட்டத்தில் டெல்லி அணி சார்பில் அதிகபட்சமாக கே.எல். ராகுல் 92 ஓட்டங்களை பெற்றார். அத்துடன் டெல்லி அணிக்காக விளையாடிய இலங்கை அணி ஆரம்ப துடுப்பாட்ட வீரர் பெதும் நிஸ்ஸங்க அதிரடியாக விளையாடி 41 ஓட்டங்களை பெற்றார். 

பந்து வீச்சில் குஜராத் அணி சார்பில் ரஷித் கான் 3 விக்கெட்டுகளையும், பிரசித் கிருஷ்ணா 2 விக்கெட்டுகளையும், முகமது சிராஜ் 1 விக்கெட் வீழ்த்தினர்.