6 அணிகள் பங்கேற்றுள்ள பெண்களுக்கான ''கள ஹாரி 20 ஓவர்'' சர்வதேச கிரிக்கெட் தொடர் போட்ஸ்வானா நாட்டில் நடந்து வருகிறது. இதில் நேற்று (09) இடம்பெற்ற ஆட்டத்தில் பிரேசில் - லெசோதோ அணிகள் மோதின. முதலில் துடுப்பெடுத்தாடிய பிரேசில் அணி 20 ஓவர்களில் 8 விக்கெட் டுக்கு 202 ஓட்டங்களை பெற்றது. 

அடுத்து களமிறங்கிய லெசோதோ அணி 6.2 ஒவர்களில் அனைத்து விக்கெட்டுகளையும் இழந்து 13 ஓட்டங்களை பெற்று படுதோல்வி அடைந்தது. 7 வீராங்கனைகள் டக்-அவுட் ஆனார்கள். எக்ஸ்டிரா வகையிலும் 6 ஓட்டங்களை பெற்றார்கள். 

பிரேசில் வேகப்பந்து வீச்சாளர் 21 வயதான லாரா கார்டோசோ 3 ஓவர்களில் 2 மெய்டனுடன் 4 ஓட்டங்களை மட்டுமே விட்டுக்கொடுத்து 9 விக்கெட்டுகளை கைப்பற்றி புதிய சரித்திரம் படைத்தார். இதில் 'ஹாட்ரிக்" விக்கெட்டும் அடங்கும். 

ஒட்டு மொத்த சர்வதேச 20 ஓவர் கிரிக்கெட்டில் (ஆண்கள் போட்டியையும் சேர்த்து) 9 விக்கெட் வீழ்த்திய முதல் நபர் இவர் தான். 

இதற்கு முன்பு கடந்த ஆண்டு நடந்த ஆண்களுக்கான சர்வதேச 20 ஓவர் கிரிக்கெட்டில் மியான்மருக்கு எதிரான ஆட்டத்தில் பூட்டான் சுழற்பந்து வீச்சாளர் சோனம் யேஷி 8 விக்கெட் வீழ்த்தியதே சாதனையாக இருந்தது. அதை லாரா கார் டோசோ முறியடித்துள்ளார்.