பஞ்சாப் அணியின் இந்தத் தொடர் தோல்விகளால், முதல் நான்கு இடங்களுக்கான போட்டி இப்போது மேலும் தீவிரமடைந்துள்ளது. 

ஐபிஎல் 2026 தொடரின் விறுவிறுப்பான கட்டத்தில், பஞ்சாப் கிங்ஸ் (PBKS) அணி தொடர்ந்து நான்கு போட்டிகளில் தோல்வியடைந்துள்ளது பிளே-ஆஃப் ரேசில் பெரும் மாற்றங்களை ஏற்படுத்தியுள்ளது. 

தொடக்கத்தில் ஏழு போட்டிகளில் தோல்வியே சந்திக்காமல் இருந்த பஞ்சாப் அணி, தற்போது 11 போட்டிகளில் 14 புள்ளிகளுடன் தவிக்கிறது. ஸ்ரேயாஸ் ஐயர் தலைமையிலான இந்த அணிக்கு இன்னும் மூன்று போட்டிகள் மீதமுள்ளன. 

இதில் இரண்டு போட்டிகளில் வெற்றி பெற்றால் மட்டுமே 18 புள்ளிகளுடன் பிளே-ஆஃப் சுற்றுக்கு முன்னேற முடியும். தர்மசாலாவில் நடைபெறவுள்ள அடுத்தடுத்த போட்டிகள் அந்த அணிக்கு சவாலாக இருக்கும் என எதிர்பார்க்கப்படுகிறது. 

தற்போதைய புள்ளிப்பட்டியல் நிலவரப்படி, ராயல் சேலஞ்சர்ஸ் பெங்களூரு (RCB) மற்றும் சன்ரைசர்ஸ் ஹைதராபாத் (SRH) ஆகிய அணிகள் தலா 14 புள்ளிகளுடன் முதல் இரண்டு இடங்களில் உள்ளன. இந்த அணிகள் தங்களின் மீதமுள்ள மூன்று போட்டிகளில் ஒன்றில் வெற்றி பெற்றாலே பிளே-ஆஃப் வாய்ப்பை உறுதி செய்துவிடும். 

அதேபோல், ஷுப்மன் கில் தலைமையிலான குஜராத் டைட்டன்ஸ் (GT) அணியும் 14 புள்ளிகளுடன் பலமான நிலையில் உள்ளது. பஞ்சாப் அணியின் சரிவு, சென்னை சூப்பர் கிங்ஸ் (CSK) மற்றும் ராஜஸ்தான் ராயல்ஸ் (RR) ஆகிய அணிகளுக்குப் புதிய நம்பிக்கையை அளித்துள்ளது. 

அதேபோல், ஷுப்மன் கில் தலைமையிலான குஜராத் டைட்டன்ஸ் (GT) அணியும் 14 புள்ளிகளுடன் பலமான நிலையில் உள்ளது. 

தலா 12 புள்ளிகளுடன் உள்ள இந்த இரு அணிகளும், மீதமுள்ள மூன்று போட்டிகளில் இரண்டில் வெற்றி பெற்றால் 16 புள்ளிகளுடன் பிளே-ஆஃப் வாய்ப்பைப் பெற முடியும். 

கொல்கத்தா நைட் ரைடர்ஸ் (KKR) அணிக்கு இன்னும் நான்கு போட்டிகள் மீதமுள்ளன. ஆனால், அவர்கள் அனைத்து போட்டிகளிலும் வெற்றி பெற்றால் மட்டுமே அடுத்த சுற்றுக்குச் செல்ல முடியும். 

டெல்லி கேப்பிடல்ஸ் அணி 8 புள்ளிகளுடன் இருப்பதால், அவர்கள் அனைத்து போட்டிகளிலும் வெற்றி பெற்று மற்ற அணிகளின் முடிவுகளுக்காகக் காத்திருக்க வேண்டிய கட்டாயத்தில் உள்ளனர். 

இதற்கிடையில், மும்பை இந்தியன்ஸ் (MI) மற்றும் லக்னோ சூப்பர் ஜெயண்ட்ஸ் (LSG) ஆகிய இரு அணிகளும் அதிகாரப்பூர்வமாக பிளே-ஆஃப் வாய்ப்பை இழந்து வெளியேறியுள்ளன. 

பஞ்சாப் அணியின் இந்தத் தொடர் தோல்விகளால், முதல் நான்கு இடங்களுக்கான போட்டி இப்போது மேலும் தீவிரமடைந்துள்ளது.