DIMO நிறுவனம் காலி மாவட்டத்தில் நான்கு புதிய சூரிய மின்னுற்பத்தி நிலையங்களை வெற்றிகரமாக நிறுவியுள்ளது. இலங்கையின் தேசிய மின் கட்டமைப்பில் மொத்தமாக 18MW பசுமை வலுசக்தி திறனை இணைத்து, தனது புதுப்பிக்கத்தக்க வலுசக்தி சேவைத் துறையை மேலும் வலுப்படுத்தும் நோக்கத்தை இது வெளிப்படுத்துகிறது. ரத்கம மற்றும் அக்மீமண ஆகிய பகுதிகளில் அமைந்துள்ள இந்த சூரியசக்தி மின்னுற்பத்தி நிலையங்கள், சுயாதீன மின்னுற்பத்தியாளர் (IPP) திட்டங்களாக DIMO நிறுவனத்திற்கு முழுமையாக சொந்தமான துணை நிறுவனங்களின் ஊடாக உருவாக்கப்பட்டுள்ளதுடன், புதுப்பிக்கத்தக்க வலுசக்தி விரிவாக்கல் தொடர்பான நாட்டின் தற்போதைய முயற்சிகளின் ஒரு அங்கமாக இவை அமைகின்றன. 

இத்திட்டங்களில், DIMO Solar Galle (Private) Limited நிறுவனத்திற்குச் சொந்தமான 3MW சூரியசக்தி மின்னுற்பத்தி நிலையமும், தலா 5MW சூரியசக்தி மின்னுற்பத்தித் திறனை தேசிய மின் கட்டமைப்பில் இணைக்கின்ற DIMO Solar Galle Two (Private) Limited, DIMO Solar Galle Three (Private) Limited, DIMO Solar Galle Four (Private) Limited ஆகிய நிறுவனங்களும் உள்ளடங்கியுள்ளன. 

இந்த புதிய திட்டங்களின் இணைப்பின் மூலம், DIMO நிறுவனத்தின் ஒட்டுமொத்த சூரியசக்தி மின்னுற்பத்தித் திறன் 25.845 MW (AC) ஆக அதிகரித்துள்ளது. இது நிலைபேறான வலுசக்தி உட்கட்டமைப்பு தொடர்பில் இந்நிறுவனம் மேற்கொண்டு வரும் தொடர்ச்சியான முதலீட்டின் மற்றுமொரு முக்கிய மைல்கல்லாகும். இந்த நான்கு சூரியசக்தி மின்னுற்பத்தி நிலையங்களும் இணைந்து வருடாந்தம் சுமார் 31.8 மில்லியன் kWh பசுமை மின்சாரத்தை உற்பத்தி செய்யும் அதே வேளையில், காபன் வெளியீட்டை 12,945 tCO2e இற்கும் அதிகமாகக் குறைக்கும் என எதிர்பார்க்கப்படுகிறது. இத்திட்டங்களின் மூலம் சுமார் 37,937 வீடுகளுக்கு மின்சாரம் வழங்கப்படும் என மதிப்பிடப்பட்டுள்ளது. இது சூழல் நிலைபேறான தன்மை மற்றும் வலுசக்தி பாதுகாப்பு தொடர்பான இலங்கையின் நீண்டகால நோக்கங்களை அடைய உதவுகிறது. 

நம்பகமான மற்றும் திறனான மின்னுற்பத்தியை உறுதி செய்வதற்காக, இந்த சூரியசக்தி மின்னுற்பத்தி நிலையங்கள் உயர் திறன் கொண்ட solar photovoltaic panels, Smart Transformer Station technology, utility-scale grid-connected solar PV systems மற்றும் நவீன கண்காணிப்பு தொகுதிகளைக் கொண்டதாக அமைக்கப்பட்டுள்ளன. 

இந்த முக்கிய அடைவு குறித்து DIMO நிறுவனத்தின் நிறைவேற்றுப் பணிப்பாளர் விஜித் புஷ்பவெல கருத்துத் தெரிவிக்கையில், நிலைபேறான மற்றும் புதுப்பிக்கத்தக்க வலுசக்தி தீர்வுகளை நோக்கிய இலங்கையின் மாற்றத்திற்கு ஆதரவளிப்பதில் DIMO நிறுவனம் கொண்டுள்ள தொடர்ச்சியான அர்ப்பணிப்பை, இந்த 18MW சூரியசக்தி மின்னுற்பத்தி நிலையங்கள் எடுத்துக் காட்டுகின்றன. இத்திட்டங்கள் தேசிய மின் கட்டமைப்பை பசுமை ஆற்றலால் வலுப்படுத்துவதுடன், நீண்டகால சூழல் நிலைபேறான தன்மை மற்றும் தேசிய வலுசக்தி பாதுகாப்பு ஆகியவற்றிற்கும் ஆதரவளிக்கின்றன.” என்றார். 

இத்திட்டங்கள் நாட்டின் புதுப்பிக்கத்தக்க வலுசக்தித் துறையை மேம்படுத்துவதில் DIMO நிறுவனத்தின் அர்ப்பணிப்பை மேலும் நிரூபிப்பதுடன், இலங்கையின் தெற்கு பிராந்தியத்தில் பாரிய அளவிலான சூரியசக்தி உட்கட்டமைப்பு மேம்பாட்டின் மற்றொரு முக்கிய மைல்கல்லாக விளங்குகின்றன.