50 ஓவர் ஆடவர் உலக கிண்ண கிரிக்கெட் தொடர் அடுத்த வருடம் தென்ஆப்பிரிக்கா, ஜிம்பாப்வே, நமீபியாவில் நடைபெற இருக்கிறது. இதில் 14 அணிகள் பங்கேற்கின்றன. உலக கிண்ணத்தில் ஐசிசி சில மாற்றங்களை செய்துள்ளது. இந்த மாற்றம் ஐசிசி-யின் வருடாந்திர ஆலோசனைக் கூட்டத்தில் ஏற்றுக் கொள்ளப்பட்டுள்ளது. 

50 ஓவர் உலகக் கிண்ண தொடரில் 14 அணிகள் பங்குபெறும். போட்டிகள் ரவுண்ட் 1, ரவுண்ட் 2, சூப்பர் 7 என மூன்று சுற்றுகளாக நடத்தப்படவுள்ளது. 

தகுதி பெற்ற 14 அணிகளில் கடைசி மூன்று இடங்களைப் பிடித்த அணிகளுக்கு இடையே சூப்பர் சீரிஸ் நடத்தப்படும். அதில் ஒரு அணி 2 ஆவது சுற்றுக்கு முன்னேறும். அணிகளின் எண்ணிக்கை 12 ஆக குறையும். 

12 அணிகளும் இரண்டு பிரிவுகளாக பிரிக்கப்பட்டு போட்டி நடத்தப்படும். ஒவ்வொரு பிரிவிலும் முதல் 3 இடங்களைப் பிடிக்கும் அணிகள் மற்றும் ஒட்டுமொத்தமாக சிறந்த ஆட்டத்தை வெளிப்படுத்தும் 4 ஆவது இடத்தில் உள்ள ஒரு அணி என மொத்தம் 7 அணிகள் 'சூப்பர் 7' சுற்றுக்கு முன்னேறும். 

சூப்பர் 7 சுற்றில் முதல் 4 இடங்களைப் பிடிக்கும் அணிகள் அரையிறுதிக்குத் தகுதி பெறும். அரையிறுதி போட்டிகள் முடிவில் இரண்டு அணிகள் இறுதிப்போட்டிக்கு முன்னேறும். 

2028 இல் நடைபெறவுள்ள டி20 உலகக் கிண்ணத் தொடரில் மொத்தமுள்ள 20 அணிகள் தலா 4 அணிகள் வீதம் 5 பிரிவுகளாக பிரிக்கப்படும். ஒவ்வொரு பிரிவிலும் முதல் 2 இடங்களைப் பிடிக்கும் அணிகள் 'சூப்பர் 10' சுற்றுக்கு முன்னேறும். 

10 அணிகள் தலா 5 அணிகள் வீதம் 2 பிரிவுகளாகப் பிரிக்கப்பட்டு விளையாடும். ஒவ்வொரு பிரிவிலும் முதலிடத்தைப் பிடிக்கும் 2 அணிகள் நேரடியாக அரை இறுதிக்குத் தகுதி பெறும். 

2 ஆவது மற்றும் 3 ஆவது இடங்களைப் பிடிக்கும் அணிகள் 'எலிமினேட்டர்' சுற்றில் மோதும், வெற்றி பெறும் 2 அணிகள் மீதமுள்ள 2 அரையிறுதி இடங்களைப் பிடிக்கும்.