சிம்பாப்வேக்கு எதிராக 3 போட்டிகள் கொண்ட டி20 தொடரில் விளையாடுவதற்காக இந்திய அணி ஹராரே சென்றடைந்துள்ளது. 

இரு அணிகளுக்கும் இடையிலான முதல் டி20 போட்டி நாளை (23) திகதி நடைபெறவுள்ளது. 

தொடர்ந்து 2-வது போட்டி 25-ம் திகதியும், 3-வது மற்றும் கடைசி டி20 போட்டி 26-ம் திகதியும் நடைபெறவுள்ளன. 

இந்த நிலையில், இந்த தொடருக்கு சிகந்தர் ராசா தலைமையிலான சிம்பாப்வே குழாம் அறிவிக்கப்பட்டுள்ளது. 

இதற்கமைய, சிகந்தர் ராசா , பிரைன் பென்னட், ரியான் பேர்ல், தனகா சிவாங்கா, பென் குர்ரன், பிராட் எவன்ஸ், வெஸ்லி மாதேவெரே, தடிவானாஷே மருமணி, வெலிங்டன் மஸகட்சா, பிளெஸ்ஸிங் முசரபானி, டியான் மியர்ஸ், ரிச்சர்ட் ன்காராவா, தபா நகாராவா, நியூமன்டன் நகாராவா ஆகியோர் இந்த குழாமில் உள்வாங்கப்பட்டுள்ளனர்.