இலங்கைக்கு எதிரான முதல் டெஸ்ட் போட்டியில் இந்திய அணி வெற்றி பெற்றது. இந்தியாவுக்கு இது 600 ஆவது டெஸ்ட் போட்டியாகும். வரலாற்று சிறப்புமிக்க இந்த போட்டியில் இந்தியா வெற்றி பெற்று முத்திரை பதித்துள்ளது.

இதே போல் தனது 300, 400, 500 ஆவது டெஸ்டிலும் இந்தியா வெற்றி கண்டிருக்கிறது. மொத்தத்தில் இந்தியா இதுவரை 187 இல் வெற்றியும், 188 இல் தோல்வியும் கண்டுள்ளது. 224 போட்டிகள் 'டிரா' ஆனது. மற்றொரு டெஸ்ட் சமனில் முடிந்தது. 

இலங்கை மண்ணில் கடைசியாக 2015 ஆம் ஆண்டில் தோல்வி அடைந்த இந்தியா அதன் பிறகு தொடர்ச்சியாக 6 டெஸ்டுகளில் வெற்றிக்கனியை பறித்து இருக்கிறது. இதன் மூலம் இலங்கை மண்ணில் தொடர்ச்சியாக அதிக வெற்றிகளை பெற்ற வெளிநாட்டு அணியான இங்கிலாந்தின் சாதனையை (6 வெற்றி) சமன் செய்தது.