மகளிர் ஆசிய கிண்ண இருபதுக்கு 20 தொடரின் ஐக்கிய அரபு இராச்சியத்திற்கு எதிரான இன்றைய (29) போட்டியில் இலங்கை அணி 9 விக்கெட்டுக்களால் வெற்றி பெற்றுள்ளது. 

போட்டியில் நாணய சுழற்சியில் வென்ற இலங்கை மகளிர் அணி முதலில் களத்தடுப்பில் ஈடுபடத் தீர்மானித்தது. 

இதன்படி முதலில் துடுப்பாடிய ஐக்கிய அரபு இராச்சியம் அணி 19.5 ஓவர்களில் சகல விக்கெட்டுக்களையும் இழந்து 79 ஓட்டங்களை மாத்திரமே பெற்றது. 

இந்நிலையில் 80 என்ற வெற்றியிலக்கை நோக்கி துடுப்பாடிய இலங்கை மகளிர் அணி 7.5 ஓவர்கள் நிறைவில் ஒரு விக்கெட்டை மாத்திரமே இழந்து போட்டியில் வெற்றி பெற்றது. 

இலங்கை அணித் தலைவி 48 ஓட்டங்களை அதிரடியாக பெற்றிருந்தமை குறிப்பிடத்தக்கது.