ஐபிஎல் தொடரில் டெல்லி கேப்பிடல்ஸ் அணியின் புதிய தலைமை பயிற்சியாளராக இந்திய கிரிக்கெட் அணியின் முன்னாள் அணி தலைவர் சவுரவ் கங்குலி நியமிக்கப்பட்டுள்ளார். 

டெல்லி அணியின் தலைமைப் பயிற்சியாளராக இருந்த ஹேமங் பதானியின் பதவிக்காலம் நிறைவடைந்த நிலையில், சவுரவ் கங்குலிக்கு வாய்ப்பு வழங்கப்பட்டுள்ளது. ஏற்கெனவே டெல்லி அணியின் ஆலோசகராக சில ஆண்டுகள் செயல்பட்ட கங்குலி, அந்த அணியில் பல்வேறு பொறுப்புகளையும் கவனித்த அனுபவம் உண்டு. 

இந்நிலையில், அடுத்த ஆண்டு நடைபெறவுள்ள ஐபிஎல் சீசனுக்கான டெல்லி அணியின் தலைமை பயிற்சியாளராக அவர் அறிவிக்கப்பட்டுள்ளார். டெல்லி அணி தனது மனதுக்கு மிகவும் நெருக்கமானது என குறிப்பிட்டுள்ள கங்குலி, வரும் சீசனில் வலுவான அணியை உருவாக்க விரும்புவதாக தெரிவித்துள்ளார். 

ஐபிஎல் கிரிக்கெட்டில் இதுவரை சாம்பியன் பட்டம் வெல்லாத அணிகளில் ஒன்றாக டெல்லி கேப்பிடல்ஸ் உள்ளது. இந்த சூழலில் வெற்றிகரமான இந்திய அணி தலைவராக வலம் வந்தவரும் அனுபவம் மிக்க வீரருமான கங்குலி, டெல்லி அணியின் தலைமை பயிற்சியாளராக நியமிக்கப்பட்டுள்ளது கவனம் பெற்றுள்ளது. 

சிஎஸ்கே அணியின் தலைமை பயிற்சியாளராக இந்திய அணி முன்னாள் வீரர் ஜாகிர்கான் அண்மையில் நியமிக்கப்பட்டது குறிப்பிடத்தக்கது.