Nov 9, 2026 - 06:38 PM
இலங்கை அணி பாகிஸ்தானில் சுற்றுப்பயணம் மேற்கொண்டு விளையாடி வரும் முதலாவது டெஸ்ட் போட்டியின் முதல் நாள் ஆட்டநேர முடிவில், பாகிஸ்தான் அணி தனது முதல் இன்னிங்ஸில் 5 விக்கெட்டுகளை இழந்து 281 ஓட்டங்களைப் பெற்றுள்ளது.
ராவல்பிண்டியில் இன்று (9) ஆரம்பமான இந்தப் போட்டியில் நாணய சுழற்சியில் வெற்றிபெற்ற இலங்கை அணியின் தலைவர் தனஞ்சய டி சில்வா முதலில் பந்துவீச்சைத் தேர்வு செய்தார்.
இதன்படி முதல் இன்னிங்ஸைத் தொடங்கிய பாகிஸ்தான் அணிக்கு ஆரம்ப துடுப்பாட்ட வீரர்களான அஸான் அவ்வைஸ் 30 ஓட்டங்களுடனும், தய்யப் ஆரிப் 57 ஓட்டங்களுடனும் சிறப்பான தொடக்கத்தை வழங்கினர்.
தொடர்ந்து களமிறங்கிய அணியின் தலைவர் பாபர் அசாம் 50 ஓட்டங்களையும், மொஹமட் தாஹா 51 ஓட்டங்களையும் பெற்று ஆட்டமிழந்தனர்.
முதல் நாள் ஆட்டநேர முடிவில் சௌத் ஷகீல் 57 ஓட்டங்களுடனும், காசி கோரி 7 ஓட்டங்களுடனும் ஆட்டமிழக்காமல் களத்தில் இருந்தனர்.
இலங்கை அணியின் பந்துவீச்சில் அசித பெர்னாண்டோ 2 விக்கெட்டுகளையும், மிலான் ரத்நாயக்க, தில்ஷான் மதுஷங்க மற்றும் சொனால் தினுஷ ஆகியோர் தலா ஒரு விக்கெட்டையும் வீழ்த்தினர்.
அத்துடன், விக்கெட் காப்பாளர் குசல் மெண்டிஸ் 4 விக்கெட்டுகளைக் கைப்பற்ற உதவியாக பிடியெடுத்து அசத்தியிருந்தார்.
நாளை போட்டியின் 2ஆம் நாள் ஆட்டம் தொடரவுள்ளது.