Nov 20, 2026 - 06:46 AM

2027 ஆம் ஆண்டுக்கான வரவு செலவுத் திட்டத்தின் இரண்டாம் வாசிப்பு மீதான வாக்கெடுப்பு இன்று (20) மாலை 6.00 மணிக்கு நடைபெறவுள்ளது.
நிதியமைச்சர் என்ற வகையில் ஜனாதிபதி அநுர குமார திசாநாயக்கவினால் கடந்த 12 ஆம் திகதி வரவு செலவுத் திட்ட உரை பாராளுமன்றில் முன்வைக்கப்பட்டது.
அதற்கமைய, நவம்பர் 13 ஆம் திகதி முதல் இன்று வரை 7 நாட்களுக்கு வரவு செலவுத் திட்டத்தின் இரண்டாம் வாசிப்பு மீதான விவாதம் நடத்தப்படுகின்றது.
அதனைத் தொடர்ந்து, வரவு செலவுத் திட்டத்தின் மூன்றாம் வாசிப்பு அல்லது குழு நிலை விவாதம் நாளை (21) முதல் எதிர்வரும் டிசம்பர் மாதம் 14 ஆம் திகதி வரை நடைபெறவுள்ளது.
மூன்றாம் வாசிப்பு மீதான வாக்கெடுப்பு அன்றைய தினம் மாலை 6.00 மணிக்கு நடத்த ஏற்பாடு செய்யப்பட்டுள்ளது.
அரசாங்க விடுமுறை நாட்கள் மற்றும் ஞாயிற்றுக்கிழமைகள் தவிர்ந்த சனிக்கிழமை உட்பட ஏனைய அனைத்து நாட்களிலும் காலை 9.30 மணிக்கு வரவு செலவுத் திட்ட விவாதத்திற்காகப் பாராளுமன்றம் கூடவுள்ளது.
































