2026 டி20 உலகக் கிண்ணக் கிரிக்கெட் தொடரில் அவுஸ்திரேலியா மற்றும் அயர்லாந்து அணிகளுக்கு இடையிலான போட்டி இன்று (11) நடைபெறுகிறது. 

கொழும்பில் இடம்பெறும் இப்போட்டியில் நாணயச் சுழற்சியில் வெற்றி பெற்ற அவுஸ்திரேலியா அணி முதலில் துடுப்பெடுத்தாட தீர்மானித்தது. 

இதன்படி முதலில் துடுப்பெடுத்தாடிய அவுஸ்திரேலியா அணி நிர்ணயிக்கப்பட்ட 20 ஓவர்களில் 6 விக்கெட்டுக்களை இழந்து 182 ஓட்டங்களை பெற்றுக் கொண்டது. 

அவுஸ்திரேலியா அணி சார்பில் மார்கஸ் ஸ்டோய்னிஸ் அதிகபட்சமாக 45 ஓட்டங்களை பெற்றார். 

அயர்லாந்து அணி சார்பாகப் பந்துவீச்சில் மார்க் அடேர் அதிகபட்சமாக 2 விக்கெட்டுக்களை வீழ்த்தினார். 

இந்நிலையில் அயர்லாந்து அணிக்கு 183 ஓட்டங்கள் வெற்றி இலக்கு நிர்ணயம் செய்யப்பட்டுள்ளமை குறிப்பிடத்தக்கது.