2026 டி20 உலகக் கிண்ண தொடரின் சூப்பர் 8 சுற்றின் நேற்றைய ஆட்டத்தில் நியூசிலாந்து - இங்கிலாந்து அணிகள் மோதின. 

இந்த போட்டியில் இங்கிலாந்து அணி 4 விக்கெட் வித்தியாசத்தில் வெற்றி பெற்றது. 

இந்தப் போட்டியில் சிறப்பான ஆட்டத்தை வெளிப்படுத்திய வில் ஜெக்ஸ், 'ஆட்டநாயகன்' விருதை வென்றார். 

இதன் மூலம் டி20 உலகக் கிண்ண வரலாற்றில் இங்கிலாந்து அணிக்காக அதிக ஆட்டநாயகன் விருதுகளை (மொத்தம் 4 விருதுகள்) வென்ற வீரர் என்ற சாதனையை வில் ஜெக்ஸ் படைத்துள்ளார். 

இதன் மூலம் கெவின் பீட்டர்சன், லூக் ரைட், ஜோஸ் பட்லர் மற்றும் அடில் ரஷித் (தலா 3 விருதுகள்) ஆகியோரின் சாதனையை அவர் முறியடித்துள்ளார். 

மேலும் ஒரு குறிப்பிட்ட உலகக் கிண்ண தொடரில் அதிகபட்சமாக 4 ஆட்டநாயகன் விருதுகளை வென்ற அவுஸ்திரேலிய ஜாம்பவான் ஷேன் வொட்சனின் (2012-ல் படைத்த சாதனை) உலக சாதனையை வில் ஜெக்ஸ் தற்போது சமன் செய்துள்ளார். 

அடுத்த போட்டிகளில் வில் ஜோக்ஸ் மீண்டும் ஆட்டநாயகன் விருது வெல்லும் பட்சத்தில், ஷேன் வொட்சனின் உலக சாதனையை முறியடித்து புதிய சரித்திரம் படைப்பார்.