முடி வளர்ச்சிக்கு தேவையான புரோட்டீன், இரும்புச்சத்து, ஒமேகா-3, வைட்டமின்கள் நிறைந்த உணவுகள் முடியை வலுவாக்கி, வளர்ச்சியைத் தூண்டும். ஆரோக்கியமான, பளபளப்பான கூந்தலுக்கு உதவும் 11 உணவுகள் குறித்து பார்க்கலாம். 

முட்டையில் புரதம் மற்றும் பயோட்டின் நிறைந்துள்ளது. இவை இரண்டுமே முடி வளர்ச்சிக்கு மிகவும் முக்கியம். இது முடியின் வேர்க்கால்களை வலுப்படுத்தி, முடி உடைவதைக் குறைக்கும். முடியின் வளர்ச்சிக்கு 'கெரட்டின்' எனும் புரதம் அவசியம், அதை உருவாக்க முட்டை பெரிதும் உதவுகிறது. 

பசலைக்கீரையில் இரும்புச்சத்து, ஃபோலேட் மற்றும் வைட்டமின்கள் நிறைந்துள்ளன. இவை மயிர்க்கால்களுக்கு ஊட்டமளித்து, வேர்களுக்கு ஆக்சிஜன் விநியோகத்தை மேம்படுத்துகின்றன. இதனால் முடி வலுப்பெறும். பசலைக்கீரையில் இரும்புச்சத்து, வைட்டமின் A மற்றும் C உள்ளன. இவை தலைப்பகுதிக்குத் தேவையான ஈரப்பதத்தைக் கொடுத்து முடி உடைவதைத் தடுக்கின்றன. 

சால்மன் மீனில் உள்ள ஒமேகா-3 கொழுப்பு அமிலங்கள், தலையின் சருமத்தை ஈரப்பதத்துடன் வைத்திருக்கும். இந்த நல்ல கொழுப்புகள் உங்கள் முடியை பளபளப்பாகவும் ஆரோக்கியமாகவும் மாற்றும். ஒமேகா-3 ஃபேட்டி ஆசிட் முடியின் அடர்த்தியை அதிகரிப்பதோடு, கூந்தலுக்கு நல்ல மினுமினுப்பையும் தரும். 

பாதாம், வால்நட், ஆளி விதைகள் போன்றவை ஜிங்க் (zinc) மற்றும் நல்ல கொழுப்புகளை வழங்குகின்றன. இந்த சத்துக்கள் முடி உதிர்வைக் குறைத்து, முடியின் வலிமையை மேம்படுத்த உதவும். பாதாமில் உள்ள வைட்டமின் E மற்றும் துத்தநாகம் (Zinc) முடி உதிர்வை உடனடியாகக் குறைக்க உதவும். ஒரு கைப்பிடி அளவு பாதாம் அல்லது வால்நட்ஸ் தினமும் சாப்பிடுங்கள். 

பருப்பு வகைகளில் தாவர அடிப்படையிலான புரதம் மற்றும் இரும்புச்சத்து அதிகம். இவை புதிய முடி செல்கள் வளர்வதை ஆதரித்து, வேர்களை இயற்கையாகவே வலுப்படுத்தும். இந்த பருப்புகள் மற்றும் விதைகளில் முடிக்குத் தேவையான அத்தியாவசிய தாதுக்கள் நிறைந்துள்ளன. 

கிரேக்க யோகர்ட்டில் புரதம் மற்றும் வைட்டமின் பி5 அதிகமாக உள்ளது. இது முடி வளர்ச்சியை ஆதரிப்பதோடு, உச்சந்தலையின் ஆரோக்கியத்தையும் மேம்படுத்துகிறது. வைட்டமின் B5 (Pantothenic Acid) தலைப்பகுதியில் ரத்த ஓட்டத்தை சீராக்கி முடி வளர்ச்சியைத் தூண்டுகிறது. 

சர்க்கரைவள்ளிக் கிழங்கில் உள்ள பீட்டா-கரோட்டின், உடலுக்குள் சென்ற பின் வைட்டமின் ஏ-வாக மாறும். இது தலையில் எண்ணெய் பசையை சீராக வைத்து, வறட்சியைத் தடுக்க உதவுகிறது. சர்க்கரைவள்ளிக் கிழங்கு வறண்ட கூந்தலை சரிசெய்து, முடி வளர்ச்சியை வேகப்படுத்துகிறது. 

வைட்டமின் C நிறைந்த நெல்லிக்காய், கொலாஜன் உற்பத்தியை அதிகரித்து முடி வேர்களைப் பலப்படுத்துகிறது. இது நரை முடி வருவதையும் தள்ளிப்போடும். பெர்ரி பழங்களில் ஆன்டி ஆக்ஸிடன்ட்கள் மற்றும் வைட்டமின் சி நிறைந்துள்ளன. இவை கொலாஜன் உற்பத்தியை அதிகரித்து, மயிர்க்கால்களை சேதத்திலிருந்து பாதுகாக்கின்றன. 

அவகாடோ பழங்களில் நல்ல கொழுப்புகள் மற்றும் வைட்டமின் ஈ அதிகம் உள்ளது. இவை முடியை சேதத்திலிருந்து பாதுகாத்து, அதன் பளபளப்பை மேம்படுத்துகின்றன. முளைக்கட்டிய பயறு வகைகளில் உள்ள இரும்புச்சத்து மற்றும் புரதம் முடி மெலிவதைத் தடுத்து, அடர்த்தியாக வளர வழிவகுக்கிறது. 

ஓட்ஸில் இரும்பு, ஜிங்க் மற்றும் பி வைட்டமின்கள் உள்ளன. இவை முடிக்கு ஊட்டமளித்து, முடி மெலிந்து போவதைக் குறைத்து, இழைகளை வலுப்படுத்த உதவுகின்றன. சோயாவில் உள்ள 'ஸ்பெர்மிடைன்' (Spermidine) எனும் சத்து முடியின் வளர்ச்சி காலத்தை (Anagen phase) நீட்டிக்கிறது. இதனால் முடி நீண்ட காலம் உதிராமல் இருக்கும். 

ஆளி விதை, பூசணி விதை மற்றும் சூரியகாந்தி விதைகளில் முடிக்குத் தேவையான அத்தியாவசிய தாதுக்கள் நிறைந்துள்ளன. தமிழர் உணவில் தவிர்க்க முடியாத கறிவேப்பிலை, இரும்புச்சத்து மற்றும் அமினோ அமிலங்களின் சுரங்கம். இது முடி உதிர்வைத் தடுத்து கருமையாக்க உதவும்.